Actas da - Xunta de Galicia

As linguas minoritarias no ámbito europeo. Status do galego
un estándar lingüístico sobre as linguas que nos ocupan, deseñado para protexer
e promove-lo emprego destas linguas nos ámbitos públicos e privados. Sen
embargo, a pesar de que inicialmente poderiamos pensar que se trataría dun
estándar homoxéneo a nivel de Europa, incluídos os países da Unión, non é así.
A forza da Carta fica relegada a un nivel nacional, e sempre dentro das
fronteiras de cada un dos Estados membros do Consello de Europa que a asinen
e ratifiquen. A decisión nesta materia da UE é delegada no Estado membro,
acolléndose ó principio de subsidiariedade 66 .
O carácter da Carta non é outro, por outra banda, máis que o dunha
recomendación, que só ó ser ratificada polos Estados membros do Consello de
Europa adquire carácter vinculante 67 . Sen embargo hai que ter en conta que a
súa forza xurídica é moi escasa, xa que se trata dunha Carta “á carta” 68 : os
países escollen nos seus instrumentos de ratificación as disposicións que
consideran oportunas da parte III da Carta para a súa aplicación 69 .
6. O galego e Europa
España accedeu no 1986 á UE. Como país multilingüe tivo que decidir cál ía
se-la lingua oficial a nivel supranacional. Segundo Labrie (1998:189), existen
tres factores que determinan cáles son as linguas oficiais comunitarias:
• as disposicións constitucionais ou lexislativas en vigor no país
• a vontade política do Estado, neste caso España, de ver unha ou varias das
súas linguas oficiais usadas a nivel supranacional
• acordo unánime do Consello de Ministros
E segundo o artigo 8 do Regulamento 1/58, que establece os procedementos
que deben segui-los países multilingües, o emprego das linguas oficiais e de
traballo podería ter sido determinado por España se esta o tivera solicitado,
segundo as regras xerais derivadas da lexislación española:
Polo que respecta ós Estados membros onde existen varias linguas
oficiais, o uso dunha lingua rexerase, a petición do Estado interesado,
polas normas xerais da lexislación de dito Estado.
Sen embargo, isto non aconteceu, polo que respecta ó galego. Ademais, a
razón de peso que vai contra a oficialidade da nosa lingua é que non é lingua
oficial en todo o territorio do Estado membro, aínda que esta xustificación,
66 Principio que garante unha toma de decisión que ten en conta que a acción que se emprende a
escala comunitaria xustifícase en relación coas posibilidades que ofrece o nivel nacional, rexional
ou local. Deste xeito, a Unión non actúa agás para os sectores da súa competencia exclusiva ata
que a súa acción é máis eficaz cá acción emprendida no ámbito nacional, rexional ou local (art. 5
(exartigo 3 B), Tratado da Unión Europea (Glosario 2000:70).
67 OConsello de Europa decidiu, trala reunión do 23 de xuño de 1992, conferirlle o estatuto
xurídico dun convenio (Vade-Mecum 1994:18).
68 Recollemos aquí a expresión empregada por Fernández (1999).
69 Vid. ratificación de España, BOE 222, do 15.09.2001.
— 429 —