1 - RUC

Por outra banda as diferencias sobre o termo de actividade, poden referirse
á implicación que ten o mesmo de cara á actividade pedagóxica, polo que se presta a
diferentes interpretacións e siñificados, e obedecendo a estas discrepancias, podemos
observar que ser activo pode dar lugar a distintos xeitos de entender o que é dita
actividade, e qué tipo da mesma ten que darse e perseguirse; acerca destas diferencias no
que pode entenderse por actividade, COLL (1978), fala de catro tipos de actividade que
fan referencia a catro formas de entender o que é ser activo e así para él:
(a) Un primeiro tipo de actividade, é aquela actividade que sigue á actividade doutra
persoa, xa sexa ésta motriz ou verbal; é unha actividade que se desenvolve como cando
escoitamos unha conferencia ou unha clase, ou vemos algunha representación teatral ou
casos parecidos. Neste caso, requírese un tipo de actividade determiñada, que predomina
sobre todo na chamada escola ou pedagoxía tradicional, e caracterízase por atribuir ó
mestre o papel de director ou guía do proceso de adquicisión dos coñecementos dos
alumnos, que permanecen atentos ó que o mestre dí e/ou fai.
(b) Un segundo tipo de actividade é o que define como o seguimento coidadoso das
instruccións doutra persoa, na que ésta persoa explica cómo hai que facer unha
determiñada tarefa e indica cómo se debe facer.
(c) Un terceiro tipo de actividade que se léva a cabo no ensino programado, é na que o
alumno adquire un repertorio de conductas ben definidas de antemán, polo que o suxeto
aprende e debe de presentar unha conducta determiñada antes de recibir un reforzo; o
mestre debe incitar ó alumno a desenvolver un determiñado tipo de actividade, e establece
para eso un programa de reforzos co fin de que o alumno aprenda esas conductas
determiñadas.
(d) O cuarto tipo de actividade consiste en aceptar un obxectivo, que pode atoparse no seu
orixe nun mesmo ou noutra persoa, e en base ó mesmo, como se organiza a propria
actividade en consecuencia; neste caso, o alumno organiza e estructura verdadeiramente a
súa propria actividade, o que implica unha actitude pedagóxica determiñada con un
cambeo considerable de actitude e función do mestre.
Até eiquí, fala Coll de catro tipos de actividade; nos podemos agregar un
quinto tipo de actividade, que veremos e especificaremos a continuación conforme
vaiamos avanzando neste capítulo. Nengún tipo de actividade dos que vimos é falso ou non
ten porque non existir, senón que cada tipo ten lugar e responde a unha clase determiñada
de aprendizaxe, cada un deles son importantes para o desenvolvemento do suxeto humán, e
responden a uns momentos determiñados dos que pode obedecer a aprendizaxe escolar; non
obstante, cada un deles por separado soio abarca unha faceta do desenvolvemento humán, e
- 116 -