1 - RUC

consecuencia, aprenden informacións que doutro xeito non aprenderían; WITTROCK
(1974) tamén subliñou a importancia do papel activo que o estudante desempeña na
reestructuración da información, na que o individuo procesa, pasa e reformula a
información e os argumentos presentados por outros membros do grupo; cando os
alumnos que traballan nun mesmo grupo se axudan mútuamente, poden comparar a nova
información coa xa existente neles e modificar e sustituir conceptos que xa ten
adquiridos, conforme vexa necesario (WEBB, 1982). Neste caso, cobran especial
importancia, as variables socio-emocionais, tanto respecto á cantidade e tipo de
interacción do grupo, como a cantidade e tipo de axuda ofrecida e recibida.
Por outra banda, unha tarefa mútua exixe colaboración, e na cál os
compañeiros traballan xuntos para producir algo que normalmente nengún deles houbese
podido producir por sí soio; dende este ponto de vista, unha serie de investigacións
(MUGNY e DOYSE, 1978; PERRET-CLERMONT, 1979) utilizando tarefas directamente
analizables en términos de compoñentes operativos, chegan a conclusión de que a
interacción entre compañeiros aumenta o desenvolvemento do razonamento lóxico, a
través dun proceso de reorganización cognitiva activa, inducida polo conflicto cognitivo
que aparece, á súa vez, con maior facilidade naquelas situacións nas cáles, pídeselles a
uns nenos con perspectiva moderadamente discrepante, que alcancen un consenso. A
natureza do conflicto concíbese como o resultado da confrontación entre os esquemas de
coñecemento que se produce no trascurso da interacción social.
LOMOV ( 1978) e KOLITSOVA ( 1978), utilizando tarefas parecidas ás dos
experimentos anteriores, e facendo referencia á adquicisión de conceptos sociais,
chegaron á conclusións parecidas, e así concluían que a interacción entre compañeiros
axuda a millorar o coñecemento individual, e integra unha variedade de perspectivas
relativas a un probrema que produce resultados intelectuais superiores.
6.5.2. A importancia das teorías de Vygotski e Piaget na interacción entre
alumnos e a súa repercusión na aprendizaxe escolar.
É necesario destacar eiquí, a importancia da obra de Piaget no estudo da
interacción entre iguais, onde aparece a noción de desequilibrio como un conflicto
cognitivo; dende esta perspectiva, non interesa describir ou expricar os procesos sociais
interactivos como un todo, xa que búscase máis, a evidencia do conflicto que a influencia
que poidan ter eses factores sociais no mesmo; así, dende o ponto de vista piageteano, a
interacción entre compañeirosen particular e as experiencias sociais en xeral, derivan a
- 128 -