1 - RUC

No proceso educativo, o profesor e o alumno implícanse asímesmo nunhas
pautas interactivas contínuas, nas que o profesor proporciona, media e axuda nun
contexto determiñado, co obxectivo de que o alumno consiga adquirir e levar a cabo unha
serie de habilidades e tarefas que nun principio non é capaz de realizar por sí soio, e esto
o leva a cabo nun contexto de situacións cada vez máis complexas, é dicir, está accedendo ó
mundo dos símbolos, a linguaxe e a cultura, ó mundo dos humáns.
Estas pautas interactivas supoñen proporcionar ós alumnos un contexto
siñificativo, no que se adecúe o nivel de axuda ó nivel de competencia do alumno, e polo
tanto, fai supoñer a existencia dunha avaliación inicial dos alumnos e unha avaliación
contínua das suas actividades, de cara a conseguir un axuste óptimo de intervención
pedagóxica dirixida cara ó desenvolvemento potencial dos alumnos. O axuste óptimo, no
que se refire a interacción profesor-alumno a través das súas actividades, é necesario
para que poida activarse a zona de desenvolvemento próximo, e polo tanto debe de
construirse laboriosamente na mesma interacción, o que dá lugar a existencia dunha
organización e planificación das mesmas co obxectivo de conseguir de xeito claro e
explícito que o profesor sosteña, medie e andamie os logros que os alumnos vaian
conseguindo a través da súa interacción. ^
6.4.3. A necesidade da análise da interacción profesor-alumno no
prantexamento conxunto do proceso educativo escolar.
É así como nunha análise do proceso de interacción que se dá entre o
profesor e o alumno nunha situación educativa formal, é necesario ter en conta que, por
unha banda, toda interacción prodúcese nun espacio temporal e nunha situación concreta,
e a miúdo ininterpretable se non se ten en conta o siñificado que encerra dentro da
planificación ou organización do proceso educativo, impulsado polo profesor e
concretizado no alumno; unha pauta interactiva non é interpretable se non se ten en conta
a situación na que aparece respecto a outras pautas precedentes (COLL, 1985); é
necesario ter en conta a secuencia de pautas que se dan nun espacio temporal determiñado.
En segundo lugar, o obxectivo que se debe de perseguir no estudo e análise da
interacción profesor-alumno, é identificar e interpretar os mecanismos mediante os
cáles van sucedendose as diferentes interaccións entre as actividades do alumno e as
actividades do profesor, e nas que os alumnos van construíndo o seu coñecemento; no
senso tradicional, o que se fai é poñer en relación ditas interaccións co rendemento do
- 124 -