1 - RUC

eferencia ó desenvolvemento das actividades e tarefas mesmas; e por outra banda, pola
utilización que se fai dos elementos que configuran o prantexamento de dito proceso, polo
que se refire ó desenvolvemento do mesmo, elementos que son os contidos, a metodoloxía,
e a avaliación da consecución dos obxectivos previamente determiñados. Neste senso,
postulamos que a maior parte da avaliación basease en avaliacións do producto da
aprendizaxe, non existindo, ou nunha medida casi imperceptible, nen avaliación inicial,
nen avaliación contínua e formativa, o que imposibilita a adecuación do proceso educativo
á marcha e progreso dos alumnos, quedando suxeta ésta, a percepción que pode ter o
profesor da consecución da maioría dos alumnos dunha aprendizaxe específica.
F) Postulamos que o modelo de intervención pedagóxica que estamos presentando dende o
ponto de vista da Psicoloxía, e máis concretamente, dende o marco da Psicoloxía da
Educación, modelo que podemos denominar interaccionista, non se está a levar a cabo na
maioría das aulas que observamos, polo que esta aproximación é pouco utilizada polos
mesmos; e dende este ponto de vista, postulamos que os procesos de ensino e aprendizaxe
que se levan a cabo nestas aulas, non permiten a construcción do coñecemento por parte
dos alumnos, do xeito máis eficaz entendido pola Psicoloxía da Educación, xa que non
permiten o desenvolvemento das actividades autoestructurantes do alumno. Polo tanto,
postulamos que a maioría dos procesos observados, responden a un xeito tradicional de
entender o ensino, defendendo unha actividade receptiva por parte do alumno, na maioría
dos casos sobre unha planificación do profesor completamente directiva e organizada , na
que o profesor desenvolve unha actividade de emisor, baseada sobre os libros de texto, e
sobre a idea de que os alumnos deben de desenvolver a súa aprendizaxe dun xeito lineal,
paso a paso. E cando non se realizan deste xeito, os períodos de actividade son
completamente abertos, sen obxectivos específicos e claros, e nos cáles a actividade do
alumno é completamente aberta e libre, resultado do cál a súa repercusión sobre a
construcción do coñecemento é mínima.
Estas son as hipóteses que queremos plantexar nesta investigación, e que
responden ó obxectivo xeral de pretender analizar as relacións que se establecen no
proceso de ensino e aprendizaxe escolar, sobre a luz das teorías e plantexamentos previos
que hemos descrito nos capítulos anteriores; algunha pode responder máis que outra ós
obxectivos prantexados previamente, pero a nosa pretensión, na proposición das mesmas,
obedece a recoller dun xeito o máis concreto posible, todos aqueles cuestionamentos que
nos plantexamos á hora de analizar o proceso de ensino e aprendizaxe escolar. Pode que
puderamos especificar e concretar máis estas hipóteses, sen embargo, pensamos que
dalgún xeito recollen as nosas inquedanzas entorno ó que consideramos como básico á hora
- 175 -