1 - RUC

con él; a nivel de relación escolar a través dos contidos, os alumnos perciben ó profesor
como preocupado polo que fan, e dedicado máis cara ás tarefas escolares que a interacción
con eles, como así pode verse nas variables que implica unha interacción co profesor,
sobre todo na relación individual, na motivación, e nas estratexias particulares
desenvoltas para facilitar a comprensión do alumno. En terceiro lugar, cabe resaltar que
non aparece neste factor nengunha variable relacionada específicamente cos contidos da
aprendizaxe escolar, e todas aquelas variables que aparecen fan relación ó conxunto da
conducta do profesor na aula, algo moi sintomático. En cuarto lugar, percíbese no
conxunto das variables aparecidas como unha intervención do profesor de forma directiva
(móstrase firme), correctiva (dálle importancia á presentación), nunha relación de
xeito vertical (explica de xeito ordenado, a pasos), así como nunha relación que implica
unha importante intervención (explica con distintas palabras). En resumen, neste
primeiro factor, o alumno percibe o mundo da aula, dende a perspectiva da conducta do
profesor, algo que pode denotar que soio existe unha relación de tipo profesor-alumno, e
a través desta conducta percibe as actividades educativas, pero, volvemos a incidir que
non aparecen as variables que fagan referencia ós contidos sobre os cáles levanse a cabo
as distintas actividades; ademáis, existe unha especie de diferencia siñificativa entre a^
persoa, como algo cariñoso, simpático, eloxiador, e o educador, en canto actúa como
preocupado e interesado pola aprendizaxe dos alumnos, non eloxiador, firme, correctivo e
non dispoñible individualmente para o alumno. É de destacar a puntuación da media, en
canto se refire á estimulación que percibe o alumno do profesor, como algo siñificativo
debido a súa media, o que é moi importante para a aprendizaxe, algo que tamén aparece na
percepción que ten o alumno dos resultados do seu traballo (ver a media das fallas que nos
sole ver, tamén cunha tendencia baixa).
B) No SEGUNDO FACTOR, denominado como AMBIGUEDADE DE OBXECTIVOS
INSTRUCCIONAIS NA ATENCION GLOBAL DO ALUMNO, observamos como o grupo de
variables que aparecen, fan referencia á aspectos contrarios ós aparecidos no primeiro
factor; neste senso, atopamos unha ambiguedade nos obxectivos instruccionais, derivados
cara a motivación e atención do alumno, e así hai un grupo de variables que fan referencia
á persoa do profesor como, ten malhumor (media de 2,7), sole darme medo (media de
2,7), pensa que somos tontos (media de 2) e parece que nos ten manía (media de 2,6);
por outra banda hai outro grupo de variables que fan referencia ó papel de instructor,
tales como, enténdeselle mal o que explica (media de 2,78), os seus temas son aburridos
(media de 2,4), sole comprobar si atendemos (media de 1,48), súas clases son
aburridas (media de 2,7) sepamos as cousas ó pé da letra (media de 2), non se preocupa
por cómo vamos (media de 2,2), e non sole dicir nen ben nen mal (media de 2). Podemos
- 220 -