1 - RUC

potenciar un bon coñecemento do que pode chegar a ser unha boa aprendizaxe por parte
dos alumnos, e por conseguinte intentar intervir sobre esa actividade para poder
facilitar esa aprendizaxe co obxeto de posibilitar un bon coñecemento por parte dos
individuos, e como consecuencia, unha boa integración no seu grupo social. Como veremos
posteriormente, así como a psicoloxía socio-cultural dálle unha gran importancia ás
variables sociais e as interrelacións no mundo dos humáns respecto ó obxeto da
aprendizaxe (que poderíamos chamar coñecemento histórico-social), no que se refire á
adquicisión non soio do coñecemento cultural, senbn dos instrumentos que posibilitan
traballar con este coñecemento (Funcións Psicolóxicas Superiores), a teoría xenética fai
referencia ó coñecemento físico e lóxico-matemático, coñecemento que nos proporciona,
e que está relacionado moi directamente coa nosa estructura biolóxica, en canto ésta vai
madurando e interactuando co mundo dos obxetos no que se vai desenvolvendo; é dicir,
cómo se vai estructurando o coñecemento na nosa estructura cerebral, e cómo éste vai
potenciando o desenvovemento da mesma.
Recollendo palabras de WERTSCH ( 1989) e aplicándoas neste caso, podemos
dicir, que mentras a psicoloxía histórico-cultural establécese bnde pode chegar o
individuo no seu desenvolvemento, a psicoloxía xenética céntrase máis no que o individuo
pode facer en cada momento determinado, algo que está moi relacionado co dito na teoría
anterior, e do que son partícipes en boa medida no que podemos entender por construcción
do coñecemento e desenvolvemento cognitivo.
5.2. O desenvolvemento intelectual na Teoría Xenética: carácter biolóxico,
e invariantes que o compoñen.
Cando intentamos referirnos á Teoría Xenética, estamos referíndonos en
gran medida ós estudos e investigacións que J.Piaget e os seus discípulos realizaron ó
longo distes derradeiros anos. Para poder comprender a teoría de Piaget, é importante
ter en conta o seu ponto de partida, un ponto bioloxicista, xa que Piaget partíu no seu
estudo, como biólogo, intentando comprender a forma de adaptarse dos animais ó seu
entorno, e no seu sucesivo estudo sobre esta forma de adaptación, chegou ó estudo da
forma de adaptarse que tiña o animal humán, e polo tanto como construía os instrumentos
que Ile posibilitaban tal adaptación, é dicir, como construía o seu coñecemento, facía
frente as necesidades do seu medio, e polo tanto como se desenvolvía.
- 92 -