1 - RUC

4.5. CONCLUSIONS.
Neste cuarto capítulo, tratamos unha serie de cuestións relativas ó capítulo
anterior, pero máis específicas relacionadas coa aprendizaxe escolar; neste senso,
facemos referencia nun primeiro apartado deste capítulo á noción de desenvolvemento, un
desenvolvemento que non se pode oonsiderar ó marxen da sociedade en que se vive. O
desenvolvemento é o resultado da intervención doutras persoas que actúan como
mediadores entre o suxeto que aprende e o coñecemento, e neste senso non se confunde coa
aprendizaxe, senón que até certo ponto é un resultado da mesma, pero ésta está
condicionada por aquél, non soio no senso de posibilitar o tipo de aprendizaxe considerado
como máis adecuado para o suxeto que aprende, senón que tamén posibilitan o marxe de
aprendizaxe que poden potenciar nun suxeto, non soio de coñecementos, senón tamén polo
que se refire ós procesos psicolóxicos.
En segundo lugar, para que o suxeto aprenda e se desenvolva, é necesario que
manteña unha interacción con suxetos máis capaces, xa que o desenvolvemento consiste na
apropiación por parte do ser humán de capacidades que os outros seres humáns foron
creando ó longo da súa historia, e é nesta interacción onde adquire un papel importante a
linguaxe, pois a través dela, o suxeto máis capaz, modela e controla o comportamento
infantil, sendo nun primeiro momento un control é externo, para posteriormente
interiorizar esa linguaxe polo suxeto, sendo utilizado por él para controlar e
estructurar a súa propria actividade, ou o que é o mesmo posibilitando un maior
desenvolvemento no suxeto. Deste xeito, comprenderemos como o suxeto aprende e se
desenvolve, así como cáles son as relacións entre aprendizaxe e desenvolvemento,
relacións tan importantes para a aprendizaxe escolar. A educación escolar é un factor
fundamental do desenvolvemento, xa que impulsa un cambeo de xeito formal; o ensino é a
planificación e sistematización da aprendizaxe con vistas a asegurar un desenvolvemento
correcto. A educación, ademáis incluie, un proceso de socialización, así como a
apropiación das normas sociais e da cultura nun senso ampleo, nunha actividade por parte
do suxeto, que debe de analizarse tomando en consideración tódolos elementos que
interveñen na mesma: accións, motivos, obxectivos, etc, así como nos seus compoñentes
cognitivos, emocionais e volitivos.
En terceiro lugar, unha noción moi a ter en conta na aprendizaxe escolar, é a
de zona de desenvolvemento próximo, xa que é eiquí ónde a aprendizaxe permite o
- 89 -