BAILUAGE DE SAINT-OMER I - Ouvrages anciens sur Saint-Omer ...

— 315 —
nés, à tous ceulz qui ces présentes lettres verront,
salut. Savoir faisons que comme maistre Jehan de
Nyelles ait longuement esté chargié de visiter et
conseiller les causes et proches qui ont esté pardevant
nostre chastellain de Saint Aumer et ailleurs es
cours snbgettes en nostre bailliage d'ilec à certaine
pencion qu'il prenoit de nous par an, dont nagaires
l'avons deschargié et ordené nostre conseillier en
nostre Chambre à Lille. Nous, pour le bonne ralacion
que faicte nous a esté de la soufûsance et proudommie
de nostre amé et féal conseillier maistre Guy
Ponthe et pour considéracion des bons et agréables
services que il a fais tant à feu nostre très chière
dame et mère la contesse d'Artois, que Dieux absoille,
comme à nous, confians de ses sens, loyauté et boine
diligence, avons volu et ordené et par ces présentes
volons et ordenons que ledit maistre Guy soit dores
en avant chargié de visiter et conseillier les causes
et proches qui seront pardevant nostredit chastellain
de Saint Aumer et ailleurs es cours subgectes de
nostre bailliage duditlieu, et ne sera pas du conseil
d'aucunez des parties, pour et en lieu dudit maistre
Jehan, à la pencion de vint et quatre livres parisis
qu'il aura et prendera de nous chascun an, comprins
ens seze livres parisis qu'il a eu et prins de nous
jusquez ad présent, tant qu'il nous servira es dictes
choses et que il nous plaira. Si donnons en mandement
par les mesmes présentes à nostre recepveur de
Saint Orner que le dicte pencion paie dores en avant
audit maistre Guy, aus termes et par le manière
acoustumés et par raportant pour la première fois
copie ou vidimus de ces présentes, collationée en
nostre Chambre des Comptes ou par l'un de nos secrétaires
et quittance de chascun paiement, le dictç