BAILUAGE DE SAINT-OMER I - Ouvrages anciens sur Saint-Omer ...

— 388 —
mer, s'il est présent en icelle ville, ou absent envoyer
par escript signé de sa main quattre personnes ydoines
et qualifiez selon ladite ordonnance de l'an xmr
XLII pour estre eschevins d'icelle ville pour l'année
advenir, et lesquelz seront tenuz d'accepter ledit eslat
à paine de soixante livres d'amende s'ilz n'ont excuses
légitimes ou cause raisonnable au contraire.
Pourra aussi ledit bailli donner voix à l'élection du
maieur et estre présent à l'élection des huit autres
eschevins et jurez de lad* année, pourveu qu'il ne
pourra donner voix en lad. élection ni empescher la
libre élection des autres, mais les admonester de
choisir les pins gens de bien; pourveu aussi que led.
bailli sera tenu de faire serment d'eslire gens de
bien légitismes et de léal mariage, de plus notables
preud'hommes de lad e ville comme font les autres
esliseurs et de tenir secret ce qui sera dit et besoigné
par lesd. esliseurs quant ilz procéderont à lad*
élection.
Et quant aux droiz de capitaine, Ordonne que en
temps de paix le mot du guet se donnera par le
maieur d'icelle ville qui ordonnera du guet et gardes
des portes selon l'ordonnance que Sa Majesté en fera,
sans que led. capitaine s'en puist entremettre ou en
soit empeschié plus avant que luy sera permis par
lad c ordonnance ; mais en temps de guerre ou suspecl,
ou que Sa Majesté ou le gouverneur d'Artois
l'ordonne, led. capitaine donnera le mot de guet et
l'envoyera par sergeant sermenté au maieur d'icelle
ville pour le distribuer comme il appartient ; aura
aussi led. capitaine, principallement en tel temps,
regard sur le guet et garde de ladite ville, des portes
et clefz d'icelle, lesquelles portes ne pourront estre
ouvertes sans présence ou consentement dudit capi-