BAILUAGE DE SAINT-OMER I - Ouvrages anciens sur Saint-Omer ...

359 —
II
23 avril 1338
Lettre de Philippe VI, roi de France, au bailli
d'Amiens, relative aux clercs mariés et marchands
sujets à la juridiction de Véchevinage et non à celle
de Févêque de Térouanne.
Philippe par la grâce de Dieu roys de France au
bailli d'Amiens ou à son lieutenant salut. De par
notre amé et féal frère le conte d'Artoys et de par
les maieurs et eschevins de Saint-Omer nous a esté
monstre en complaignant que comme ils soient et
leurs prédécesseurs aient esté de ancienneté et par
si lonc temps qu'il nest mémoire du contraire de
avoir la court et cognoissance des clers mariez et
marcbeans couchanz et levanz en la dite ville de
Saint-Omer et ou conté d'Artoys si comme il dient,
neantmoins nostre amé et féal levesque de Thérouane
et ses genz se efforcent de avoir la court et
cognoissance des diz clers mariez et marcheans en
touz cas et de euls contraindre à ce indeuement de
jour en jour par la jurisdicion de léglise en troublant
et empeschant lesdiz complaignanz en leur dite saisine
et possession indeuement et de nouvel en leur
grand grief, préjudice et dommage si comme il dient.
Pour quoy nous te mandons que se appeliez ceuls
qui seront à appeller souverement et de plain il te
apparoit les choses dessu dites estre vrayes, requier
ledit Evesque que il oste sans délay l'empeschement
et nouvelletez dessus diz et que il laisse les dis complaignans
user et joir de leur dicte possession et sai-