BAILUAGE DE SAINT-OMER I - Ouvrages anciens sur Saint-Omer ...

383 —
Léon, de Grenade, de Tolledo, de Galice, de Séville,
de Cordua, de Murcia, de Jahem, de Algarbes, de
Algezira, de Gribaltar, des isles de Canarie, des Indes
et isles de la terre ferme et de la mer occéane, Prince
d'Arragon, des deux Secilles et de Jérusalem, Archiduc
d'Austrice, Duc de Bourgongne, de Lothier, de
Brabant, de Styer, de Karinte, de Carniole, de Lembourg,
de Luxembourg et de Gheldres, Conte de
Flandres, de Habsbourg, de Tirol, d'Artois, de Bourgongne
palatin, et de Ilaynnau, Lantgrave d'Elsacce,
Marquiz de Burgauw et du Saint Empire, de Hollande,
de Zéellande, de Ferrette, de Tiburg, de Namur
et de Zuylphem, Comte Seigneur de Frise sur
la marche d'Esclavonie, de Portenauw, de Salins
et de Malines. A tous ceulx qui ces présentes lettres
verront salut.
De la part de noz bien amez les Mayeur et Eschevins
de nostre ville de S 1 Orner, tant pour eulx que
pour tous les bourgeois, manans et habitans de
icelle, nous a esté humblement exposé que feu nostre
très chier seigneur et bisayeul le bon duc Philippe,
que Dieu absoille, en l'an mil im c XLVII, pour pourveoir
an pollice et bien publique de lad e ville, à grand
et solempnel advis et délibération de conseil, après
plusieurs informations sur ce faictes par l'espace de
deux à trois mois, et ce par pluisieurs bons, grands
et notables personnages, feist certaine ordonnance
sur le fait du renouvellement de la loy de lad e ville
qui se feroit par chacun an la veille des rois mesmement
des Eschevins nouveaulx, desquels l'nng seroit
Mayeur et qui, lan ensuivant, seroient commis à
régir et gouverner lad e ville et faire droit et loy à
ung chacun, par laquelle ordonnance fust dit et déclairé
quelles personnes deveroient estre électeurs