BAILUAGE DE SAINT-OMER I - Ouvrages anciens sur Saint-Omer ...

- ât? -
Haynau, de Hollande, de Zellande et de Namur,
marquis du Saint Empire, seigneur de Frise, de Salins
et de Malines, à tous ceulx qui ces présentes lettres
verront, salut. Comme nostre amé et féal conseillier,
maistre Anthoinne de Wissoc, lequel avoit nagaires
sa demeure et résidence en nostre ville de Saint
Aumer, comme nostre conseillier en icelle nostre
ville, pour vaquer et entendre en noz besongnes et
affaires quand les cas si offroient, avoit et prenoit de
nous par chascun an dix livres du pris de XL gros de
nostre raonnoie de Flandres de pension, se soit transportez
et alez résider en la ville et cité de Cambray,
parquoy doresenavant ne pourra entendre en nosdiz
affaires et nous est besoing que en nostredite ville
de Saint Àumcr en aions un autre en son lien qui
soit à nous comme estoit ledit maistre Anthoinne.
Savoir faisons que nous ce considéré, confians en la
loyaulé, pnidence et bonne diligence de amé et féal
conseillier maistre Jehan Coquillan, chantre et chanoinne
de l'église de Saint Aumer audit lieu, icellui
avons retenu et retenons par ces présentes pour vaquer
et entendre louteffoiz que mestier sera et les
cas si offreront en noz dites besongnes et affaires
audit lieu de Saint Aumer et autre part où il appartendra
ou lieu dudit maistre Anthoinne et ainsi que
icellui maistre Anthoinne que nous en deschargeons
par ces présentes faisoit, à ladicte pension de dix
livres parisis par an que avoit et prenoit icellui
maistre Anthoinne et aux autres droiz, honneurs et
prérogatives accoustumez tant comme il nous plaira.
Si donnons en mandement à nostre bailli et autres
noz conseillers audit lieu de Saint Aumer, que ledit
maistre Jehan Coquillan, lequel nous a autresfoiz fait
le serement de conseillier, ilz évoquent et appellent