BAILUAGE DE SAINT-OMER I - Ouvrages anciens sur Saint-Omer ...

— 377 —
de Ferrelle, de Tibourg, de Namur et de Zuytphen,
Conte seigneur de Frise sur la marche d'Esclavonie,
de Portenauw, de Salins et de Malines. A nostre amé
et féal conseiller et maistre des requestes ordinaires
de nostre hostel, maislre Louis Du Bacq, salut.Comme
il soit venu à nostre congnoissance que nostre ville
de St Omer, laquelle est une des bonnes et principalles
villes de nos païs bas de par deçà située en
frontière, au moien des guerres et divisions qui ont
régnez en nosdis pays est tellement appauvri, diminué
et amoindrie tant de peuples, marchandises et
négotiations comme de biens et chevances, que se
par bon ordre, règle et pollice elle n'est aydié, secourue
et addreschié, fait à doubter que à travers le
temps elle pourra tumbcr en grande ruyne et désolation,
sçavoir vous faisons que Nous, ces choses considérées,
désirant pourveoir au bien relièfvement et
ressource de nostred. ville de S' Omer, et éviter le
mal, ruyne et désolation d'icelle, avons, à bonne et
meure délibération de conseil, advisé, ordonné et conclud
les points, articles et provisions qui s'ensuivent
:
I
Premièrement que le Loy de nostred 18 ville de S 1
Omer que l'en a acconstumé renouveller chacun an
en la veille des Roys sera doresenavant crée et renouvcllée
en la manière cy après déclairiée :
Assavoir que les quatre premiers des douze eschevins
seront pour cette foies par vous fais et crées
en nostre nom, appelle avecq vous nostre Bailli dudit
S 1 Omer, et les aultres huit eschevins serront fais et
crées selon l'ordonnauce sur ce faicte par feu nostre
très chier Seigneur et Bisaveul le Duc Philippe, que
Dieu ahsoille, en l'an quarante sept,