Tom. V - Archive ouverte UNIGE

PROLEGOMENA.
CAPUT I.
COLLECTIONES TRACTATUUM CALVINI THEOLOGICOKTJM
ANTEHAC EDITAE.
V/puscula Io. Oalvini theologica sive tractatus varios minores primum separatim editos iam ipso autore
superstate et post eius mortem plures coniunctim edi curavere. Quae editiones varii sunt generis, sed
nulla earum talis ut in ea simpliciter recudenda acquiescere possimus. Atque hic non magni momenta
res est quod vel in looupletissimis opuscula nonnulla desiderantur quae fortasse in hanc seriem referri
debuissent; haec enim faoillimo negotio caeteris addere poteramus. Multo magis nos offendit quod, quum
Calvinus libellos suos alios latino sermone, alios gallico conscripserit, ' omnes illae editiones eos nonnisi
alterutro eodemque unico exhibent, ita scilicet ut versiones ab aliis factae passim archetypis mixtae legantur.
Quae quum ita sint, iure dixeris nullam unquam tractatuum illorum collectionem institutam esse,
quae eos re rera ad suas authenticas formas expressos in unum corpus redegerit. Nobis vero, ut iam
in prima nostra praefatione significavimus, plane alia via ingredienda videtur, et unicuique opusculo sua
prima et vera facies vel servanda vel restituenda. Caeterum de consilio nostro mox plura dicturi primum
pro more antiquiora ista tractatuum corpora sigillatim recensebimus et accuratius describemus.
I.
EDITIO GALLASII.
Primus qui de minoribus Oalvini scriptis iunctim edendis cogitasse videtur fuit Nicolaus des
Gallars (Gallasius) verbi divini apud Genevenses minister, cuius nomen in thesauro epistolico calviniano
frequentissime occurret. Is iam anno MDLII. satis amplum volumen opusculorum collegae sui in publicum
exire iussit cuius titulus hie est:
IOANNIS CAL-1 uini opuscula omnia in | vnum volumen collecta. [
Qmbus accessit libeUus nunc primum editus, De aeterno, Dei praedestina-ltione, aduersus Albertum Pighium
Compensent, et Georgium Siculum. \ Locorum sacrae Scripturae in his opuscidis obiter mterpretatorum index. |
(Insigne typographi.) GENEVAE. | Apud Ioannem Gerardum. \ M. D. LEE.
Oalvini opera. Vol. V. B