Create successful ePaper yourself
Turn your PDF publications into a flip-book with our unique Google optimized e-Paper software.
201 PSYCHOPANNYCHIA. 202<br />
illi mecum sint, ut videant claritatem meam, quam<br />
dedisti mihi (Ioann. 17, 24).<br />
Hanc igitur fidem, omnibus prophetiis, evangelica<br />
veritate, Christo ipso subnixam, teneamus.<br />
Spiritum imaginem esse Dei, instar cuius vigeat,<br />
intelligat, aeternus sit. Quamdiu in corpore est, virtutes<br />
suas exserere: quum ex illo ergastulo egreditur,<br />
ad Deum migrare, cuius sensu interim fruitur,<br />
dum in spe beatae resurrectionis requiescit. Hanc<br />
requiem, illi esse paradisum. Spiritum vero reprobi<br />
hominis, dum terribile iudicium in se exspectat, torqueri<br />
ilia exspectatione, quam Paulus ') ob id yoßtçàv,<br />
id est, formidabilem vocavit (Hebr. 10, 27). Ultra<br />
inquirere, se immergere est in abyssum mysteriorum<br />
Dei: quum satis sit didicisse, quod satis habuit<br />
docuisse spiritus optimus magister. Cuius verbum<br />
est: Audite me, et vivet anima vestra. [fol. 23]<br />
Quam ille sapienter, prae istorum vaniloquentissima<br />
arrogantia: Iustorum animae in manu Dei sunt, et<br />
non tanget illos tormentum mortis. Visi sunt oculis"<br />
insipientum mori, illi autem sunt in pace, etc.<br />
Hic finis est nostrae sapientiae, quae, ut sobria est,<br />
et Deo subiecta, ita novit eos qui supra se nituntur,<br />
semper corruere.<br />
Nunc cunas excutiemus, in quibus sopitas animas<br />
componunt: et papaver diluemus, quod illis ad'<br />
conciliandum somnum propinant. Circumferunt enim<br />
aliquot scripturae locos, qui videntur isti somno suffragari:<br />
tum, quasi ad liquidum dormitio probata<br />
sit, fulminant in eos, qui non statim errori suo consentirait.<br />
Obiiciunt primum non aliam homini infusam<br />
animam a Deo, quam quae sit illi cum bestiis<br />
omnibus communis. Omnibus enim ex aequo scriptura<br />
attribuit animam viventem. Ut quum dicitur: Creavit<br />
Deus cete grandia, et omnem animam viventem<br />
(Gen. 1, 21). Item, Bina ex omni carne, in qua<br />
erat spiritus vita (Gen. 7, 15): et alia eiusdem generis.<br />
Et si nusquam sacrae literae tneminissent, nos<br />
tarnen liquide admoneri ab apostolo, animam ülam<br />
viventem nihil diflerre a praesenti vita, qua corpus<br />
hoc vegetatur. Verba sunt: Seminatur in corruptione,<br />
surget in incorruptione : seminatur in infirmitate,<br />
surget in virtute: sominatur corpus animale,<br />
surget spirituale. Quemadmodum scriptum<br />
est, Factus est primus Adam in animam viventem,<br />
novissimus in spiritum vivificantem (1 Cor. 15, 42<br />
BS.). Fateor animam viventem non cemel attributam<br />
bestiis, quia et ipsae vitam suam degunt:<br />
verum aliter illae vivunt, aliter vivit homo. Anima<br />
vivens est homini, qua sapit et intelligit: anima illis<br />
vivens est, quae motum et sensum dat corpori.<br />
Quum igitur animae hominis insit ratio, intellectus,<br />
voluntas, quae virtutes non sunt corpori adnexae:<br />
1) Sic sola prineeps. Caeterae: apostolus.<br />
nihil mirum, si sine corpore subsistât, nee pereat<br />
instar brutarum, quae nihil aliud habent, quam sensus<br />
corporeos. Qua ratione non erubuit Paulus, post<br />
ethnicum ilium poetam, genus nos Dei appelîare<br />
(Act. 17, 28). Itaque iam, ut volent, communicent<br />
beluis animam viventem cum homine, quum eadem<br />
prorsus vita sit omnibus, quantum ad corpus attinet:<br />
verum ex eo gradum sibi facere non possunt<br />
ad confundendam cum beluis hominis animam. Neque<br />
mihi obtrudant apostoli verbum, quod magis<br />
nobiscum, quam contra nos pugnat. Factus est primus<br />
Adam in animam viventem, novissimus in spiritum<br />
vivificantem. Est enim antypophora l ) ad eorum<br />
quaestionem, qui de resurrectione persuaderi<br />
non poterant. Sic enim obiiciebant: Quomodo re-<br />
8urgunt mortui? Quali corpore venient? Oui obiectioni<br />
ut occurrat apostolus, sic eos aggreditur:<br />
Si usu discimus, semen quod vivit', quod crescit,<br />
quod fructum reddit, prius mortuum esse: cur non<br />
instar seminis corpus quod mortuum fuerit resurgere<br />
potest? Et, si nudum ac siccum granum sementem<br />
[fol. 24] refert uberiorem, postquam mortuum<br />
fuerit, virtute mirabili quam illi Deus indidit:<br />
cur non eadem Dei virtute corpus suscitabitur<br />
melius quam mortuum fuerat? Et ne adhuc mireris:<br />
unde vivit homo, nisi quia formatus est in animam<br />
viventem? Haec tamon anima, tametsi ad tempus<br />
molem corporis agitât ac sustinet, non tarnen<br />
dat illi immortalitatem aut incorruptionem : et quamdiu<br />
etiam suam vim exserit, non tarnen per se ipsa<br />
sufficit, sine adminiculis cibi, potus, somni, quae<br />
signa sunt corruptionis : nee constantcm illi ac continentem<br />
dat statum, quin aliis atque aliis inclinationibus<br />
subiectum sit. Ubi autem Christus nos secum<br />
assumpserit in gloriam, non solum erit animale<br />
corpus, ab anima vivificatum: sed spirituale, quale<br />
nee mens nostra cogitare, nee lingua exprimere potest.<br />
Vides igitur nos non aliud futuros in resurrectione,<br />
sed tarnen alios: detur verbo venia. 2 ) Atque<br />
haec quidem de corpore dicta sunt, cui anima<br />
sub elementis huius mundi vitam administrât: ubi<br />
autem figura huius mundi praeterierit, participatio<br />
gloriae Dei id supra naturam evehet. Habemus verum<br />
ac germanum apostoli sensum. In quo explicando<br />
quum lapsus esset Augustinus (ut nunc isti),<br />
errorem postea agnovit, ac correxit inter suas retractation<br />
es : 8 ) et alibi etiam multo apertius id ipsum<br />
tractat. Ex quo loco pauca transscribemus.<br />
Anima in corpore animali vivit quidem: sed non<br />
vivificat usque ad auferendam corruptionem. In corpore<br />
vero spiritali, quando adhaerens perfecte Do-<br />
1) Becentiores (1576 seqq.) hoc vocabulam rarius obvium<br />
ignorantes scripserunt: antjpophora, quum emendare debuissent:<br />
anthypophora. Gallus bene vertu: C'est une response<br />
à l'obiection. 2) Sic loquitur Tertullianus et Augustinus<br />
epist. 3. ad Fortunat. 3) Cap. 10. Epist. 146. Consentio.