Tom. V - Archive ouverte UNIGE

435 DE LA CENE. 436
Pour nous sustenter donc en ceste vie, il n'est
pas question de repaistre noz ventres de viandes
corruptibles et caducques, mais de nourrir noz âmes
de pasture meilleure et plus précieuse, [pag. 7] Or
toute l'Escriture nous diet que le pain spirituel, dont
noz âmes sont entretenues, est la mesme parolle
par laquelle le Seigneur nous a régénérez: mais elle
adiouste quant et quant la raison, d'autant que en icelle
Iesus Christ, nostre vie unique, nous est donné et
administré. Car il ne fault pas estimer qu'il y ayt
vie ailleurs qu'en Dieu. l ). Mais tout ainsi que Dieu
a constitué toute plenitude de vie en Iesus, à fin
de nous la communiquer par son moyen: aussi il a
ordonné sa parolle comme instrument, par lequel
Iesus Christ, avec toutes ses graces, nous soit dispensé.
Ce pendant, cela demeure tousiours vray,
que noz âmes n'ont nulle autre pasture que Iesus
Christ. Pourtant, le Père celeste, ayant la solicitude
de nous nourrir, ne nous en donne point d'aul—
tre: mais plustost nous recommande de prendre là
tout nostre contentement, comme en une refection
plainement suffisante, de laquelle nous ne nous po-
> vons passer, et oultre laquelle il ne s'en peult [pag. 8]
trouver nulle aultre.
Nous avons desia veu comment Iesus Christ
est la seule viande dont noz âmes sont nourries:
mais pource qu'il nous est distribué par la parolle
du Seigneur, laquelle il a destinée à cela, comme
instrument, qu'elle 8 ) est aussi appellee pain et eaue.
Or, ce qui est diet de la parolle il 3 ) appartient aussi
bien au Sacrement de la Cène, par le moyen duquel
le Seigneur nous meine à la communication
de Iesus Christ. Car d'autant que nous sommes
si imbecilles, que nous ne le povons pas recevoir
en vraye fiance de cueur, quand il nous est présenté
par simple doctrine et predication, le Père
de miséricorde, ne desdaignant point condescendre
en cest endroict à nostre infirmité," a bien voulu
adiouster avec sa parolle un signe visible par lequel
il representast la substance de ses promesses, pour
nous conformer et fortifier, en nous délivrant de
toute doubte et incertitude. Puis doncq que c'est
un mystère tant hault et incomprehensible, [pag. 9]
de dire que nous ayons communication au corps et
au sang de Iesus Christ, et que de nostre part nous
sommes tant rudes et grossiers, que nous ne povons
entendre les moindres choses de Dieu, il estoit de
mestier qu'il nous feust donné à entendre, selon que
nostre capacité.le povoit porter. Pour ceste cause
le Seigneur nous a institué sa Cène, à fin de signer
et seeller en nöz consciences les promesses contenues
1) Car il lie fault .... en Dieu. Cette phrase est omise
dans la traduction latine.
2) qu'elle 1541—1549; elle 1566 ss.
3) il, est omis à partir de 1566.
en son Evangile, touchant de nous faire participans
de son corps et de son sang: et nous donner certitude
et asseurance qu'en cela gist nostre vraye
nourriture spirituelle, à ce que ayant un telle arre,
nous concepvions droicte fiance de salut. Secondement,
à fin de nous exerciter à recongnoistre sa
grande bonté sur nous, pour la louer et magnifier
plus amplement. Tiercement, à fin de nous exhorter
à toute saincteté et innocenco, entant que nous
sommes membres de Iesus Christ : et singulièrement
à union et charité fraternelle, comme [pag. 10] elle
nous y est en special recommandée. Quand nous
aurons bien noté ces troys raisons, que le Seigneur a
regardées en nous ordonnant sa Cène, nous aurons
desia une entrée à bien entendre, et quel proffit
nous en revient, et quel est nostre office pour droictement
en user.
Il est doncq temps de venir au deuxiesme ')
point: à sçavoir, de monstrer combien la Cène du
Seigneur rious est proffitable, moyennant que nous
en facions bien nostre proffit. 2 ) Or, nous congnoistrons
l'utilité, en reputant nostre indigence, à
laquelle elle subvient. Il est nécessaire que nous
soyons en merveilleux trouble et torment de conscience,
ce pendant que nous regardons qui nous
sommes et examinons ce qui est en nous. Car il
n'y a celuy de nous qui puisse trouver un seul grain
de iustice en soy: mais au contraire, nous sommes
tous plains de péché et iniquité: tellement qu'il ne
fault point aultre partie pour nous accuser que nostre
conscience, [pag. il] ne aultre iuge pour nous
condamner. Il s'ensuit doncq que l'ire de Dieu
nous est appareillée, et qu'il n'y a nul qui puisse
esehaper de la mort éternelle. Si nous ne sommes
endormis et stupides, il fault que ceste horrible cogitation
nous soit comme une géhenne perpétuelle
pour nous vexer et tormentor. Car le iugement de
Dieu ne nous peult venir en memoire que nous ne
voyons nostre condamnation s'en ensuyvro. Nous
sommes donc desia au gouffre de la mort, sinon que
nostre bon Dieu nous en retire. D'avantage, quelle
espérance de resurrection povons nous avoir, en
considérant nostre chair, qui n'est que pourriture
et vermine? Ainsi, tant selon l'ame que selon le
corps, nous 3 ) sommes plus que miserables, si nous
demourons en nous mesmes; et ne se peut faire que
nous n'ayons une grande tristesse et angoisse du
sentiment d'une telle misère. Or, le Père celeste,
pour subvenir à cela, nous donne la Cène, comme
1) Cest ainsi, que lisent toutes les éditions tant françaises
que latines à partir de 1542. Celle de 1541 met: troisiesme.
2) Le traducteur a exprimé cette pensée d'une manière
beaucoup plus juste: modo eum (fructum salutarem) percipere
et coïligere vefimus.
3) L'édition de 1541 met par erreur: ne sommes.