Tom. V - Archive ouverte UNIGE

451 DELA CENE. 452
est appelle pain. Seulement ie dys que la nature
du Sacrement requiert cela, que le pain materiel
demeure pour signe visible du corps. Car c'est une
reigle generalle pour tous Saoremens, que les signes
que nous y voyons doivent avoir quelque similitude
avec la chose spirituelle [pag. 49] qui y est figurée.
Comme doncq au baptesme nous avons certitude
du lavement intérieur de noz âmes, quand l'eaue
nous en est donnée pour tesmoignage, laquelle nettoyé
noz ordures corporelles: aussi fault-il qu'en la
Cène il y ayt du pain materiel, pour nous testifier
que le corps de Christ est nostre viande. Car autrement,
quelle signification seroit-ce, que la blancheur
nous figurast cela? Nous voyons doncq clairement
comme toute la representation, laquelle nous
a voulu donner le Seigneur pour condescendre à
nostre infirmité, periroit, sinon que vrayement le pain
demeurast. Car les parolles dont nous use le Seigneur
emportent autant comme qui diroit: Tout ainsi
que l'homme est substenté et entretenu selon le corps
en mangeant du pain, ainsi ma chair est la nourriture
spirituelle dont les âmes sont vivifiées. D'avantage,
que deviendroit l'autre similitude que baille
sainct Paul? c'est, comme plusieurs grains de bled
sont meslez ensemble [pag. 50] pour faire un pain,
ainsi fault-il que nous soyons unis J ) ensemble, puis
que nous particippns tous d'un pain. S'il n'y avoit
que la blancheur sans substance, ne seroit-ce pas
mocquerie de parler ainsi? Pourtant nous concluons
sans doubte, que ceste transsubstantiation est invention
forgée du Diable, pour depraver la vérité de
la Cène.
De ceste phantasie sont sorties après plusieurs
autres folies. Et pleust à Dieu qu'il n'y eust que
folies, et non pas grosses abominations. Car on a
imaginé ie ne sçay quelle presence locale, et a on
pensé que Iesus Christ, en sa divinité et humanité,
estoit attaché à ceste blancheur, sans avoir esgard a
toutes les absurditez qui s'en ensuyvent. Combien
que les anciens docteurs Sorbonicques disputent plus
subtilement, comme?) le corps et le sang sont conioinctz
avec les signes: toutesfois on ne peut nyer
que ceste opinion n'ayt esté receue des grans et
petis en l'Esglise papalle, et qu'elle ne soit auiourdhuy
cruellement maintenue [pag. 51] par feu et par glaive:
que Iesus Christ est contenu soubz ces signes, et
que là il le fault cercher. Or, pour soubstenir cela,
ü fault confesser, ou que le corps de Christ est sans
mesure, ou qu'il peut estre en divers lieux. Et en
disant cela, on vient en la fin à ce poinct qu'il ne
diffère en rien d'un Phantasme. 8 ) De vouloir doncq
1) uns, 1566 ss. (coniunctos, Graïlas.).
2) comment, 1549 ss.
3) d'un Phantasme, 1541. 1542; d'un phantosme, 1549; à
un phantosme, 1566 ss.
establir une telle presence, par laquelle le corps de
Christ feust *) enclos dedans le signe, ou y soit conioinct
localement, c'est non seulement une resverie,
mais un erreur damnable, contrevenant à la gloire
de Christ, et destruisant ce que nous devons tenir
de sa nature humaine. Car l'Escriture nous enseigne
par tout, que comme le Seigneur Iesus a
prins nostre humanité en terre, aussi il l'a exaltée
au ciel, la retirant de condition mortelle : mais non
pas en changeant sa nature. Ainsi nous avons deux
choses à considérer, quand nous parlons de ceste
humanité: c'est que nous ne luy ostions pas la vérité
de sa nature, et que nous ne deroguons 2 ) rien
[pag. 52] à sa condition glorieuse. Pour bien observer
cela, nous avons à eslever tousiours noz pensées
en hault, pour cercher nostre rédempteur. Car si
nous le vendons abaisser soubz les elemens corruptibles
de ce monde, oultre ce que nous destruisons
ce que l'Escriture nous monstre de sa nature humaine,
nous anéantissons la gloire de son ascension.
Pource que plusieurs autres ont traicté ceste matière
amplement, ie me déporte de passer oultre.
Seulement i'ay voulu noter en passant, que d'enclorre
Iesus Christ par phantasie soubz le pain etr
le vin, ou le conioindre tellement avec, que nostre
entendement s'amuse là sans regarder au ciel, c'est
une resverie diabolicque. Et aussi nous en toucherons
encores en un autre lieu. Or, ceste perverse
opinion, après avoir esté une fois receue, a engendré
beaucoup d'autres superstitions. Et premièrement
ceste adoration charnelle, laquelle n'est que
pure ydolatrie. Car de se prosterner devant le pain
de la Cène, [pag. 53] et là adorer Iesus Christ comme
s'il y estoit contenu, c'est en faire un ydole, au lieu
d'un Sacrement. Nous n'avons pas commandement
d'adorer, mais de prendre et de manger. Il ne faloit
pas doncq attenter cela si témérairement. D'avantage,
cela a esté tousiours observé en l'Esglise ancienne,
que devant que célébrer la Cène, on exhortoit
solennellement le peuple de lever leurs cueurs
en hault, pour dénoter qu'on ne se devoit arrester
au signe visible, pour bien adorer Iesus Christ. Mais
on n'a que faire de combatre longuement sur ce
poinct, quand la presence et conionction de la vérité
avec le signe, dont nous avons parlé et parlerons
cy après, sera bien entendue. D'une mesme source
sontprocedées les autres façons superstitieuses, comme
de porter en pompe le Sacrement par les rues une
fois l'an, et luy faire l'autre iour un tabernacle, et
tout au long de l'année le garder en une armoire
pour amuser là le peuple, comme si c'estoit Dieu.
Pource que tout cela, [pag. 54] non seulement a esté
1) soit, 1549 ss.
2) deroguions, 1549 ss.