You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
519 ACTES DE RÀTISBONNE. 520<br />
de la chair est inimitié à l'encontre de Dieu, car<br />
elle n'est point assubiectie à la loy de Dieu, et<br />
mesme ne s'y peult assubiectir (Rom. 8, 7). Tant<br />
seullement ceste liberté vault pour faire les œuvres<br />
externes, et de ceste vie présente, tant bonnes que<br />
mauvaises. Car tout ce qui n'est de foy est péché<br />
(Rom. 14, 23). A raison de quoy S. Augustin en<br />
la preface du psal. 31 diet ainsi: le ne pourroye<br />
appeller aucunes œuvres bonnes, qui ne procèdent<br />
de bonne racine.<br />
Or quant à la liberté qui est après la reparation,<br />
Christ a diet: Si le filz vous a délivrez, véritablement<br />
vous serez libres (lean 8, 36). Et Paul<br />
aux Romains (8, 2): La loy de l'esprit de vie m'a<br />
délivré de la loy de mort et de péché. Ceste liberté<br />
,nous est restituée et conservée par le filz,<br />
moyennant l'opération du S. Esprit, iouxte la parolle<br />
de Christ: Sans moy vous ne pouvez rien<br />
faire (lean 15, 5). Et ceste de S. Paul (Rom. 8,<br />
26)-j l'Esprit supporte noz infirmités, par lequel<br />
nous sommes délivrez de la servitude de péché, estans<br />
renduz serfz de iustice, ainsi que diet l'Apostre:<br />
Estans délivrez de péché vous estes faitz serfz<br />
de iustice. Aussi telle liberté est appellee liberté<br />
de péché.<br />
[fol. 7] Einablement quant à la liberté après la<br />
glorification, qui est liberté de tout erreur de iugement<br />
et mauvaise concupiscence, l'Apostre en faisant<br />
mention diet ainsi, que lors nous verrons Dieu<br />
tel qu'il est, et à iceluy nous serons parfaictement<br />
adioinetz, mesme Dieu sera toutes choses en tous.<br />
Et pource que par la redemption qui est en<br />
lesus Christ, nous sommes véritablement renduz libres,<br />
en sorte que nous pouvons toutes choses en<br />
celuy qui nous conforte : à ceste cause on doit sourent<br />
ramentevoyr au peuple les louanges de ceste<br />
liberté, à celle fin qu'il entende ce qu'il a obtenu<br />
en Christ, et comme (quand à la grace qui est en<br />
lesus Christ) il peult maintenant se contenir de péché,<br />
obeyr a Dieu et faire ses commandemens, *) et<br />
qu'il doit s'efforcer à ce faire de tout son désir,<br />
ainsi que faict l'Apostre. Péché (dit-il) ne dominera<br />
point en vous, car vous n'estes plus soubz loy,<br />
mais soubz grace (Rom. 6, 14). Or la grace de<br />
Dieu est vie éternelle en Christ riostre Seigneur.<br />
Et en la seconde aux Corinthiens (6, 1): Et nous<br />
ensemble besongnans vous enhortons que vous n'ayez<br />
receu en vain la grace de Dieu. Car ainBi faisant,<br />
toutes ces choses, comme la gloire de Christ, l'abondance<br />
et force de la grace, et du don de iustice<br />
que nous recevons par luy, sont declairées pour estre<br />
aimées. Combien aussi qu'en ce faisant, il fault<br />
1) Noie marginale: Les protestans aymeroyent mieux qu'il<br />
y euat ainsi: résister à péché et rendre obeyssance en partie<br />
à Dieu.<br />
diligemment inculquer qu'encor en nous demeure<br />
si grande infirmité à bien, et si grande inclination<br />
à mal, que icelle retarde la force de l'esprit (Gai.<br />
5, 17), et engendre mauvaises ooncupisoences, nous<br />
induysant à faire les choses que nous ne voulons.<br />
Dont il advient que nul ne peult estre en ceste vie<br />
présente sans péché (1 lean 1, 8). Parquoy de tant<br />
plus on doit dépendre de Christ, et converser en<br />
ceste vie avec crainte et tremblement, taschant et<br />
prenant peine, que iamais nous ne doffaillions à la<br />
grace de Dieu, ou que nous ne contristions le S.<br />
Esprit, par lequel nous sommes marquez au iour<br />
de la redemption (Ephes. 4, 30).<br />
De la eause du péché.<br />
Il est tout résolu et manifeste, que la cause<br />
du péché est la volunté mauvaise [fol. 8] du Diable,<br />
et de l'homme se destournant de Dieu, laquelle malice<br />
de volunté n'est point de Dieu, mais du Diable<br />
et de nous, ainsi que diet Christ: Quand il parle<br />
mensonge il parle de son propre (lean 8, 44).<br />
Donc par l'envie du Diable la mort est entrée<br />
en toute la terre (Sap. 2, 24).. Et par la désobéissance<br />
d'un homme nous sommes tous constituez pécheurs.<br />
Ce qui advint lors qu'Adam, deceu par<br />
la fraude et astuce du Diable, perdit la foy vive<br />
et l'amour en Dieu, et au heu d'icelle, il s'enfla de<br />
la fiance et amour de soymesme.<br />
Du péché originel.<br />
Nous appelions péché originel, default de iustice<br />
originelle qui devroit estre en nous. Or nous<br />
entendons par la iustice originelle, qui deust estre<br />
en nous, la grace de Dieu, et avoir l'image et semblance<br />
de Dieu, à laquelle nous sommes créés, qui<br />
comprend le S. Esprit, et par iceluy la congnoissance<br />
et amour en Dieu, de laquelle iustice les deffaillances<br />
sont, estre destitué de la grace et de l'esprit<br />
de Dieu, ou pour user des parolles de S. Paul,<br />
incrédulité et desobeyssance.<br />
Par concupiscence nous entendons la corruption<br />
et desordonnée disposition des forces humaines<br />
ou l'inclination vitieuse à mal, laquelle à ceste cause<br />
est appellee la loy des membres, la loy de péché,<br />
et péché mesme. Que péché (diet l'Apostre), ne<br />
regne point en vostre corps mortel (Rom. 6, 12).<br />
Donc pour bien entendre quel est péché originel,<br />
l'un et l'autre conioinct ensemble est requis: sea»<br />
voir est, default de iustice originelle qui deust estre<br />
en nous, et concupiscence ou qualité vitieuse, laquelle<br />
ioincte avec cestuy deffault, ne peult qu'elle<br />
ne se iecte à toute manière de péché actuel, en<br />
ceux qui ne sont naiz de rechef, esquelz le Diable<br />
exerce sa vertu et efficace (Ephes. 2, 2).