Tom. V - Archive ouverte UNIGE

597 ACTES DB RATISBONNE. 598
LA SECONDE PARTIE DE LA RESPONSE DES PROTESTANS, TOUCHANT LA REFOR­
MATION DES MEURS, ET DE LA DISCIPLINE ECCLESIASTIQUE. COMPOSÉE PAR
MARTIN BUCER. *)
Or pource que l'Empereur, nostre souverain
seigneur, a de sa grace requis, que les Electeurs,
Princes et Estatz, luy déclarassent, par quelles voyes
et moyens, on pourroit oster les grans abuz, qui
dominent tant en Testat ecclesiasticque comme au
séculier, Item, dresser et establir une reformation
chrestienne, et une bonne restitution de la discipline,
de laquelle chose nous avons grande nécessité:
nous les ambassadeurs de l'électeur de Saxe,
les Princes et Estatz, et les conseilliers et ambassadeurs
des absens, qui suyvons la confession de Augspourg,
et la Religion qui y est contenue, desirans
d'humblement obtempérer à ceste saincte et gracieuse
demande de l'Empereur: ayant considéré, selon
qu'il nous estoit possible, l'estat present d'Allemaigne;
pensons que quand à la reformation de
Testât séculier, il sera bon que ce qui a esté délibéré
aux iournées cy devant tenues touchant la police,
et ce qui a esté déterminé, tant à Augspourg
comme aultrepart, contre l'yvroignerie, la pompe
des habillemens, les usures, les monopoles et aultres
vices, avec ce qui a dernièrement esté touché
par l'Empereur, tant en son mandement, comme en
sa premiere proposition, soit mis de rechef en conseil,
et que ce qui en aura esté conclud soit mis
en execution. Si cela se faict, nous ne doubtons
pas qu'on ne puisse venir à une bonne reformation
de Testât séculier, et facilement corriger les abuz
qui y dominent. Quant est de la reformation de
Testât Ecclésiastique, nous avons donné charge à
noz théologiens qui sont icy, de nous descrire quelque
mode et forme d'icelle, sans quelque preiudice.
Ce qu'ilz ont faict. Nous offrons donc Sire, à vostre
maiesté ce conseil pour estre considéré et examiné
tant par vous que par les Estatz de Taultre
partie et nous mesmes. Le contenu est tel.
[fol. 104] Premièrement, puis que la crainte de
Dieu est le commencement de toute sagesse et salut,
et toute nostre iustice et nostre salut gist en
la vraye foy de Christ: il sera nécessaire, que de-
1) Ce texte se trouve dans les recueils de Bucer {Act.
Lot. p. 93 ss., Act. germ. f. 108) chez JBretschneider (Corpus
Bef. IV. p. 542) et chez Hergang (Bel. Gespräch p. 398).
Chez Bucer cette pièce porte un titre un peu différent, savoir:
„Responsum Protestantium de reformandis abusibns ecclesiasticis
datum Imperatoriae Maiestati 14. Iulii 1541. Authore
Martino Bucero. Après son retour, et dès le mois d'Août,
Bucer publia un petit écrit sur le même sujet, dont il sera
question ultérieurement.
vant toutes choses la doctrine de l'Evangile soit
purement et entièrement enseignée par les Eglises,
et que les Sacremens soient administrez selon icelle,
et que tout ce qui se faict en l'Eglise, soit là rapporté.
Or affin de faire quelque bon commencement
de cela: il fauldra ordonner que tous les articles,
qu'on aura icy passé avec la grace de Dieu,
soyent receuz par tout l'Empire: et que tant les
Predications, comme les Sacremens, et aultres ceremonies
Ecclesiasticques, soyent conformes à iceulx.
Car si on ne corrige en premier lieu, ce qui a esté
perverty en la doctrine, aux Sacremens et en tout
le service de Dieu: le gouvernement de la Religion
demeurera corrumpu et contencieux et par ce moyen
IESUS Christ se courroucera contre nous, tellement
qu'on ne pourra rien constituer droictement, ny à
profit en l'Empire, ny destourner la calamité, qui
nous est tant prouchaine.
D'avantage, pource que la Religion ne se peult
bien restituer, ne en doctrine, ne en ceremonies,
ne en la discipline, sinon que les Eglises ayent ministres
propres et menez de bon zèle: il sera mestier
de restituer aux Eglises leur droict d'eslire, ou
pour le moins d'approuver leurs Ministres, selon
que portent les Canons anciens. Tellement que à
quiconques appartiennent les nominations ou presentations,
qu'on appelle, sauf le droict d'un chascun,
qu'ilz ne poulsent point les Ministres dedans
les* Eglises, sinon qu'ilz soyent esleuz canonicquement
et examines: puis approuvez du peuple, et
des seigneurs ou gouverneurs. Ce que requiert l'article
qui est mis au Livre, touchant la discipline.
Et appert par les anciens Canons et constitutions
des Empereurs chrestiens, que cela a esté sans difficulté
commandé, comme une constitution indubitable
du droict divin. Car nulle raison ne souffre,
comme dit Leon, que ceux, qui doivent avoir le
gouvernement de tous, ne soyent aussi requis et
[fol. 105] approuvez de tous. Et de faict Texperience
a monstre non sans gros detriment de l'Eglise,
quelles gens, et combien ineptes au ministère,
ont esté promeuz par les suffragans, et constituez
en charge ecclésiastique: cependant que apertement
contre les Canons et sainctes ordonnances des Empereurs,
les gouverneurs des villes et les peuples
ont esté exclus de l'élection et probation de leurs
Ministres.
D'avantage, comme ainsi soit que chascune
ville moyennement peuplée, ayt mestier d'avoir son
38*