Tom. V - Archive ouverte UNIGE

459 DE LA CENE. 460
ainsi a esté démenée trop amèrement par l'espace de
quinze ans ou environ, sans que iamais les uns ayent
voulu escouter les autres d'un cueur paisible. Car
combien qu'ilz ayent une fois conféré ensemble, neantmoins,
il y avoit telle aliénation, qu'ilz s'en retournèrent
sans aucun accord. Mesme, au lieu d'approcher
de quelque bon appoinctement, ilz se sont
tousiours reculiez de plus en plus, ne regardans autre
chose que à deffendre leur sentence, et confuter tout
ce qui estoit au contraire. Nous avons doncq en
quoy Luther a failly de son costé, et en .quoy (Ecolampade
et Zuingle ont failly du leur. C'estoit, du
commencement l'office de [pag. 70] Luther d'admonnester
qu'il n'entendoit pas establir une telle presence
locale que les Papistes la songent. Item, de
protester qu'il ne vouloit pas faire adorer le Sacrement
au lieu de Dieu. Tiercement, de se abstenir
de ces similitudes tant rudes et difficiles à concevoir,
ou en user modérément, les interprétant en sorte
qu'elles ne poussent engendrer nul scandale. Depuis
le débat esmeu il a excédé mesure, tant en declarant
son opinion, comme en blasmant les autres
avec une amertume de parolle trop rigoureuse. Car
au lieu de s'exposer en telle sorte qu'on peust recevoir
sa sentence, selon sa vehemence accoustumée,
pour impugner les contredisans, il a usé de formes
nyperbolicques de parler, lesquelles estoient bien dures
à porter à ceux qui autrement n'estoient pas
fort disposez à croire à son dire. Les autres ont
offensé aussi, en ce qu'ilz se sont tellement acharnez
à crier contre l'opinion superstitieuse et fantasticque
des papistes, [pag. 71] touchant la presence
locale du corps de Iesus Christ dedans le Sacrement,
et l'adoration perverse qui s'en ensuyvoit,
qu'ilz se sont plus efforcez de ruyner le mal, que
d'esdifier le bien. Car combien qu'ilz n'ayent pas
nyé la vérité, toutesfoys ilz ne l'ont pas enseignée
si clairement qu'ilz debvoient. I'entens, que en mettant
trop grand' peine à maintenir que le pain et
le vin sont nommez corps et sang de Christ, à cause
qu'ilz en sont signes, ilz n'ont pas regardé de adiouster
qu'ilz sont tellement signes que la vérité est
conioincte avec. Et ainsi protester qu'ilz ne pretendoient
nullement d'obscurcir la vraye communion
que nous donne le Seigneur en son , corps et son
sang par ce Sacrement.
L'une partie et l'autre a failly en n'ayant point
la patience de s'entre escouter, à fin de suivre la
vérité sans affection, où elle seroit trouvée. Neantmoins,
si ne debvons nous pas laisser de penser quel
est nostre debvoir. C'est de n'oublier les graoes que
le Seigneur leur [pag. 72] a faictes, et les biens qu'il
nous a distribuez par leurs mains et par leur moyen.
Car si nous ne sommes point ingratz et mecongnoissans
de ce que nous leur debvons, nous leur pourrons
bien pardonner cela et d'avantage, sans les blasmer
ne diffamer. Brief, puis que nous les voyons avoir
esté et estre encor en partie de vie saincte et sçavoir
excellent, et de zèle singulier à édifier l'Esglise, nous
en debvons tousiours iuger et parler avec modestie
et reverence. Mesme l ) puis qu'il a pieu en la fin
à nostre bon Dieu, après les avoir ainsi humiliez,
de mettre fin à ceste malheureuse disceptation ou
pour le moins de l'appaiser, eh attendant qu'elle soit
du tout décidée. le dy cela pource qu'il n'y a point
encor eu de formulaire publié où fust arrestee la
concorde, comme il en seroit bien mestier. Mais
ce sera quand il plaira à Dieu, d'assembler en un
lieu tous ceux qui ont à le composer. Cependant
il nous doibt suffire qu'il y a fraternité et communion
entre les [pag. 73] Esglises, 'et que tous accordent,
entant qu'il est nécessaire pour convenir ensemble,
selon commandement de Dieu. Nous confessons
doncq tous d'une bouche, que en recevant en Foy
le Sacrement, selon l'ordonnance du Seigneur, nous
sommes vrayment faictz participans de la propre
substance du corps et du sang de Iesus Christ. Comment
cela se faict, les uns le peuvent mieux desduire
et plus clairement exposer que les autres.
Tant y a que d'une part il nous fault, pour.exolurre
toutes phantasies charnelles, eslever les cueurs en
hault au ciel, ne pensant pas que le Seigneur Iesus
soit abaissé iusque là, de estre enclos soubz
quelques elemens corruptibles. D'aultre part, pour
ne point amoindrir l'efficace de ce sainot mystère,
il nous fault penser que cela se faict par la vertu
secrete et miraculeuse de Dieu, et que l'Esprit de
Dieu est le lien de ceste participation, pour laquelle
cause elle est appellee spirituelle.
1) Mesmement, 1566 ss.