Create successful ePaper yourself
Turn your PDF publications into a flip-book with our unique Google optimized e-Paper software.
329 CATECHISMUS. 330<br />
pulo Israel spiritualem requiem figurare: qua a [pag.<br />
10] propriis operibus feriari debent fidèles, ut Dominum<br />
in se operari sinant. Deinde statum diem<br />
esse voluit, quo ad legem audiendam, et caeremonias<br />
peragenâas, convenirent. Tertio servis, et iis<br />
qui sub aliorum imperio degerent, quietis diem indulgendum<br />
censuit, quo aliquam haberent a labore<br />
remissionem. Quantum ad primam causam, non<br />
dubium quin in Christo cessaverit. Ille enim est<br />
Veritas, cuius praesentia figurae omnes evanescunt:<br />
corpus, cuius adventu umbrae relinquuntur. Ideo<br />
sabbatum umbram rei mturae fuisse affirmât Paulus<br />
(Col. 2, 17): cuius veritatem alibi (Rom. 6, 8)<br />
explicat, dum nos Christo consepultos esse docet,<br />
ut per eius mortem carnis nostrae corruptioni emoriamur.<br />
Id autem fit non uno die, sed toto vitae<br />
nostrae cursu, donec penitus nobismet ipsis mortui,<br />
Dei vita impleamur. A christianis ergo abesse debot<br />
dierum superstitiosa observatio. Sed quoniam<br />
duae posteriores causae veteribus umbris annume-<br />
„ rari non debent, sed saeculis omnibus peraeque, conveniunt:<br />
abrogate sabbato, inter nos tarnen etiamnum<br />
locum istud habet, ut statis diebus ad audiendum<br />
verbum, ad mystici panis fractionem, ad publicas<br />
orationes conveniamus: deinde, ut servis et<br />
operariis sua detur a labore remissio. Non enim,<br />
quae nostra est infirmitas, obtineri potest, ut eiusmodi<br />
conventus singulis diebus agantur. Quamobrem,<br />
quod ad evertendam superstitionem expediebat,<br />
sublatus est Iudaeis observatus dies: quod<br />
ordini ac paci in ecclesia retinendae necessarium<br />
erat, alter in eum usum destinatus est. Ut ergo !<br />
sub figura Iudaeis tradebatur Veritas, ita nobis sine<br />
umbris commendatur. Primo, ut perpetuum tota<br />
vita sabbatismum meditemur a [pag. 11] nostris operibus,<br />
quo Dominus in nobis, per sunm spiritum,<br />
operetur. Deinde, ut legitimum ecclesiae ordinem<br />
ad verbum audiendum, ad sacramentorum adminietrationem,<br />
ad publicas orationes constitutum observemus.<br />
Tertio, ne nobis subditos inhumaniter premamus.<br />
Honora patrem et matrem, etc.<br />
Quo pietas erga parentes, et eos qui parentum<br />
vice nobis, ordinatione Domini, praesunt; ut magistratus,<br />
nobis praecipitur, nempe ut summa reverentia,<br />
obedientia, gratitudine, et quibus possumus<br />
officiis, ipsos prosequamur. Nam haec est Domini<br />
voluntas, ut mutuam vicem his rependamus, qui nos<br />
in hanc vitam sustulerunt. Nee interest, dignine<br />
an indigni sint, quibus honor iste deferatur. Nam<br />
qualescunque sint, parentum loco nobis a Domino<br />
praefecti sunt, qui eos honorari voluit. Et hoc quidem<br />
est mandatum primum cum promissione, ut inquit<br />
Paulus (Eph. 6, 2), qua dum praesentis vitae<br />
benedictionem Dominus pollicetur filiis, qui parentes,<br />
qua decet, observatione coluerint: simul innuit<br />
omnibus immorigeris ac inobsequentibus certissimam<br />
imminere maledictionem. Sed istud etiam obiter adnotandum,<br />
quod illis obedire non nisi in Domino<br />
iubemur. Proinde non committendum, ut in eorum<br />
gratiam Domini legem transgrediamur. Turn enim<br />
non parentes nobis habendi sunt, sed extranei, qui<br />
nos a. veri patris obedientia subducere conantur.<br />
Non occides.<br />
Quo nobis violentia omnis ac iniuria, et omnino<br />
quaevis noxa, qua proximi corpus laedatur,<br />
[pag. 12] interdicta est. Nam si hominem ad imaginem<br />
Dei meminerimus esse conditum, sacrosanctum<br />
eum habere debemus : utpote qui violari nequeat,<br />
quin imago quoque Dei violetur.<br />
Non moechaberis.<br />
Quo omne scortationis et impudicitiae genus<br />
facessere a nobis iubet. Dominus enim virum mulieri<br />
sola coniugii lege adiunxit. Et earn societatem,<br />
sua autoritate initam, sua quoque benedictione<br />
sanctificavit. Unde constat, aliam, quam coniugii<br />
societatem coram ipso maledictam esse. Itaque qui<br />
continentiae dono, singulai-i quidem illo, nee in cuiuslibet<br />
potestate site, praediti non sunt, carnis suae<br />
intemperantiae honesta matrimonii remedio succurrant.<br />
Honorabile enim inter omnes matrimonium<br />
(Hebr. 13, 4): scortatores autem, et adulteros, iudicabit<br />
Deus.<br />
Non furaberis.<br />
Quo alter alterius facultatibus insidiari, in Universum<br />
prohibemur. Omnes enim rapinas, quibus<br />
imbecilles vexentur ac opprimantur, omnes fraudes,<br />
quibus simpliciorum innocentia circumveniatur, longe<br />
a populo suo abesse vult Dominus. Quare si puras<br />
et innocentes a furto manus servare volumus,<br />
non minus ab omni calliditate ac versutia, quam a<br />
violenta direptione, nobis abstinendum.<br />
Non falsum testimonium dices, etc.<br />
Tibi maledicentiam et conviciosam procacitatem,<br />
qua fratris nostri fama proscinditur, turn omne mendacium,<br />
quo ulla in parte laeditur, damnât [pag. 13]<br />
Dominus. Nam si quibuslibet thesauris pretiosius<br />
est nomen bonum, nihilo minore noxa nominis integritate,<br />
quam fortunis, spoliamur. In diripienda<br />
autem eius substantia, non minus interdum falso testimonio<br />
quam manuum rapacitate proficitur. Quare,<br />
ut proximo manus, ita hoc mandate lingua cohibetur.