Tom. V - Archive ouverte UNIGE

Pource qu'il y avoit quelque espérance de condescendre à commencement d'accord et de reformation,
l'Empereur commanda à ceulx qu'il avoit député de la partie des Protestans, de luy noter par
ordre les abuz qu'ilz improuvent en l'Eglise, et desireroyent estre corrigez: affin que quand on viendroit
iusques là, qu'on fust plus amplement adverty de ce qui seroit de faire: [fol. 126] ainsi oultre la responce
commune que nous avons desia mise, furent composez deux traictez des abuz ecclésiastiques par
Philippes Melancthon et Martin Bucer, lesquelz ilz présentèrent à l'Empereur. D'aultant que c'est matière
conioincte avec la response faicte au nom des Estatz, nous avons advisé de les mettre consequemment
après icelle. x )
DE LA PREFORMATION DES ABUZ ECCLESIASTIQUES PAR PHILIPPE MELANCTHON.*)
Puis que le premier et principal esgard qui doit
estre en l'Eglise, est, que l'Evangile soit droictement,
purement et clairement enseigné, il seroit bon
et profitable de mettre en avant quelque sommaire
de la doctrine Evangelique, comme une institution
Driefve de Dieu, des trpys personnes en la divinité,
de la creation, du péché originel, de Christ et finalement
de tous les aultres articles du Symbole.
H sero;t aussi utile que les articles accordez
fussent comprins en ce .sommaire: car par ce moyen
plusieurs seroyent instruictz et les Eglises petit à
petit s'accorderoyent.
Il fault aussi se donner garde que les sermons
ordinaires es iours de festes ne soyent délaissez, et que
ceux qui president ayent la cure et esgard à ce,
que les Pasteurë preschent choses chrestiennes, et utiles
pour edification et convenables aux temps. Et
qu'en la fin de leurs sermons, ilz adioustent une
exhortation à penitence avec absolution publicque
et oraisons pour les nécessitez présentes, en quelque
temps que ce soit.
1) Ces lignes sont de Calvin et peuvent servir d'introduction
aux deux mémoires suivants.
2) Voyez Bucer, Actes latins p. 115,- Actes allemands
1186; Melanchthon CEuvres Witt. IV. p. 681; et Consilia
latina I. 432; Bretschneider, Corpus Bef. IV. p. 542; Hergang,
Begensb. Beligionsgespräch 438. Le mémoire fut présenté
en latin et en allemand le 17 ou le 18 juillet.
Et pource que la coustume ancienne d'enseigner
le Catéchisme, et d'endoctriner et examiner
principallement la ieunesse, est quasi partout en
mespriz: nous sommes de cest advis, qu'entre les
principaux poinctz de la reformation, soit la renovation
de ceste coustume. Par quoy il fauldra faire
que par les Pasteurs ou Diacres toutes les sepmaines
deux ou trois heures, selon le lieu, soyent
[fol. 127] employéeB au Catéchisme, en telle sorte, que
ayans convoqué les ieunes enfans et ieunes filles,
on leur enseigne par ordre et le plus simplement
que faire se pourra le sommaire de la doctrine chrestienne,
et que par ordre on les escoute reciter le
Symbole, les dix commandemens, l'oraison du Seigneur,
la doctrine de la foy iustifiante, des Sacremens,
de penitence, des bonnes œuvres et des afflictions.
Car nous devons estimer, que la plus pure
partie de l'Eglise est la ieunesse bien instituée.
Parquoy, il ne fault nullement mespriser tel eage,
principallement à cause que ce fruict icy entre les
aultres en prouvient, que quand cestuy eage tendre
est abbreuvé de la doctrine vraye et salutaire, il
conceoit tout incontinent un amour envers la Religion
chrestienne : laquelle puis après, ainsi que l'eage
accroist, luy proffite grandement, pour ses meurs
et conditions. Et les hommes peuvent mieux iuger
de toutes les doctrines, desquelles en leur ieune
eage ilz ont bien apprins les elemens. D'avantage,
c'est un diet assez vulgaire, que c'est beaucoup de