Create successful ePaper yourself
Turn your PDF publications into a flip-book with our unique Google optimized e-Paper software.
335 CATECHISMUS. 336<br />
eo vitam aeternam obtineamus. Quemadmodum ait<br />
hanc esse vitam aeternam, Nosse unum Deum patrem,<br />
et quem ille misit Iesum Christum (Ioann.<br />
17, 3). Item: Qui credit in me, non morietur in<br />
aeternum; quod si mortuus fuerit, rivet (Ioann. 11,<br />
26). Qui vero istud fiat, nos qui peccatorum sordibus<br />
contaminati sumus, in ipso omundari oportet:<br />
quia in regnum Dei nihil inquinatum ingredietur.<br />
Nos ergo sic facit sui participes, ut qui peccatores<br />
in nobis sumus, illius iustitia coram throno<br />
Dei iusti reputemur atque ita propria iustitia spoliati,<br />
Christi iustitia induimur: et operibus iniusti,<br />
Christi fide itiscificamur. Fide enim iustificari dicimur,<br />
[pag. 20] non quia aliqua iustitia nos intus inibuamur:<br />
sed quia Christi iustitia, perinde ac si<br />
nostra esset, nobis accepta fertur, propria iniquitate<br />
nequaquam nobis imputata: ut hanc iustitiam uno<br />
verbo vere appellare peccatorum remissionem liceat.<br />
Quod perspicue déclarât apostolus, dum operum<br />
iustitiam cum fidei iustitia saepius confert, alteraque<br />
alteram everti docet (Rom. 10, 3; Phil. 3, 9).<br />
Qua autem ratione hanc iustitiam meritus sit nobis<br />
Christus, et quibus partibus contineatur, in symbolo<br />
videbimus, ubi omnia singulatim recensentur,<br />
quibus fides nostra fundata est ac nititur.<br />
PER FIDEM SANCTIFICAMÜR IN LEGIS<br />
OBEDIENTIAL!.<br />
Quemadmodum sua iustitia Christus apud patrem<br />
pro nobis intercedit, ut eo veluti Sponsore pro<br />
iustis censeamur: ita spiritus sui participatione ad<br />
omnem puritatem et innocentiam sanctificat. Siquidem<br />
requievit super eum spiritus Domini citra<br />
mensuram: spiritus, inquam, sapientiae et intellectus,<br />
consilii, fortitudinis, scientiae, timoris Domini<br />
(les. 61, 1; item 11, 2): ut de eius plenitudine hauriamus<br />
bmnes, et gratiam pro gratia (Ioann. 1, 16).<br />
Falluntur ergo, qui fide Christi gloriantur, sanctificatione<br />
spiritus eius prorsus destituti. Christum<br />
factum esse nobis non iustitiam modo, sed sanctificationem<br />
quoque, scriptura docet. Proinde recipi<br />
a nobis iustitia eius fide non potest, quin illam<br />
sanctificationem simul amplectamur. Eodem enim<br />
pacto Dominus, quod in'Christo nobiscum ferit, se<br />
nostris iniquitatibus propitium fore, et legem suam<br />
cordibus nostris inscripturum polHcetur (1er. 31, 33).<br />
Non ergo nostrae facultatis opus est, legis observatio,<br />
sed spiritualis [pag. 21] virtatis: qua fit, ut<br />
corda nostra a sua corruptione repurgentur, et ad<br />
iustitiae obedientiam emolliantur. lam vero longe<br />
alius legis usus est Christianis, quam qui sine fide<br />
esse possit. Ubi enim cordibus nostris iustitiae suae<br />
amorem insculpsit Dominus, externa legis doctrina,<br />
quae antea nihil quam tum imbecillitatis, tum transgressions<br />
nos accusabat, nunc lucerna est pedibus<br />
nostris, ne a recto itinere aberremus: sapientia<br />
nostra est, qua ad omnem integritatem formemur,<br />
instituamur, excitemur: disciplina nostra est, quae<br />
nos improbiore licentia diffluere non sinat (Ps. 119,<br />
105; Deut. 4, 6).<br />
DE POENITENTIA ET REGENERATIONS<br />
Hino iam intelligere promptum est, cur poenitentia<br />
cum fide Christi semper coniungatur: cur etiam<br />
Dominus affirmet, neminem in regnum coelorum ingredi<br />
posse, nisi qui regeneratus fuerit (Ioann. 3, 3).<br />
Poenitentia enim conversionem significat: qua mundi<br />
huius perversitate valere iussa, in viam Domini noa<br />
recipimus. Christus autom ut peccati minister non<br />
est, nequaquam ideo soelerum inquinamentis ablutos<br />
iustitiae suae participatione vestit, quo tantam<br />
gratiam novis subinde sordibus profanemus: sed<br />
ut in Dei filios cooptati, vitam imposterum nostram<br />
patris nostri gloriae consecremus. Huius autem poenitentiae<br />
effectus a regeneratione nostra pendet, quae<br />
ipsa duabus partibus constat; carnis nostrae, hoc<br />
est ingenitae nobis corruptionis mortificatione, et<br />
vivificatione spirituali (Rom. 6, 5; Col. 3, 3 et alibi):<br />
qua hominis natura in suam integritatem instaurâtes<br />
In hanc ergo meditationem tota vita nobis est<br />
incumbendum, ut [pag. 22] peccato mortui, ac nobis<br />
ipsis, Christo et eius iustitiae vivamus. Quumque<br />
generatio ista nunquam impleatur, quamdiu in mortalis<br />
corporis carcere degimus: perpetuum ad mortem<br />
usque poenitentiae studium sit, oportet.<br />
QUOMODO BONORUM OPERUM ET FIDEI<br />
IUSTITIA SIMUL CONYENIANT.<br />
Bona autem opera, quae ab eiusmodi conscientiae<br />
puritate proficiscuntur, Deo accepta esse, nihil<br />
dubium est. Quandoquidem enim suam iustitiam in<br />
illis agnoscit, non potest non approbare ac commendare.<br />
Sollicite tarnen cavendum, ne sic vana efiferamur<br />
eorum fiducia, ut iustificari nos sola Christi<br />
fide obliviscamur. Nulla quippe est operum iustitia<br />
coram Domino, nisi quae illius iustitiae respondeat.<br />
Itaque qui ab operibus iustificari quaerit, ei unum<br />
aut alterum opus producere non sufficit: sed perfectam<br />
legis obedientiam afferre necesse habet, a<br />
qua profecto absunt adhuc longissime, qui optime<br />
in Domini lege prae aliis profecerunt. Deinde etiamsi<br />
uno duntaxat bono opere satisfieri sibi pateretur Dei<br />
iustitia, ne unum quidem opus in Sanctis suis Dominus<br />
inveniret, cui iustitiae laudem suo merito redderet.<br />
Nam istud, quanquam mirum videri queat,<br />
verissimum tarnen est: nullum omnino exire a nobis<br />
opus summa perfcctione consummatum, ac non<br />
aliquo veluti naevo inquinatum. Quare quum peccatores<br />
simus omnes, et plurimis vitiorum reliquiis as-