You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
289 DE SACERDOTIO PAPALI ABIIOIENDO. 290<br />
pietatis in Deum, vel adversus homines iniustitiae<br />
genus praetereunt, dum optima fide quod suarum<br />
est partium exsequuutur. Earum, inquam, partium,<br />
quas tua voce privatim demandasti, quas publice<br />
solenni diplomate confirmasti. Ut gesta eorum perinde<br />
habenda sint, ac si gerendis illis coram ipse<br />
praefuisses. Equidem invitus, nee sine pudore facio,<br />
ut delicta istaec tua tarn praecise urgeam: ne<br />
accusationem magis instruere videar, quam monitorem<br />
agere. Sed quid in re aperta tibi blandiar?<br />
Praesertim quum eo periclitari maxime te cognoscam,<br />
quod in perpetrandis id genus nequitiis, perinde<br />
ac si quiddam ludicrum foret, tibi delicias facis?<br />
Hoc ergo rursum pronuncio, cui infitiando')<br />
nequaquam oris: religionem plebemque Dei, quarum<br />
tibi cura demandata erat, non tua modo ignavia<br />
désertas pessum ire, sed improbitate etiam nequitiaque<br />
profligari. Si iure in militiae desertorem<br />
capitaliter leges aniniadvertunt, quae satis iusta<br />
poena in transfugam constituatur, qui non loco tantum<br />
et ordine suo cesserit, sed hostiliter etiam castra<br />
ipsa vexarit, quorum in defensionem iuraverat?<br />
Age vero, nihil hie gravius quam officii praetermissione<br />
te delinquere fingamus (quanquam longe<br />
secus rem habere palam est), quot tarnen adhuc Dei<br />
) oculis otiosus et oscitabundus<br />
tantam eorum cladem aspicis, quorum tibi salutem<br />
adeo sollicite Dominus commendayit? Unus<br />
si desidia tua perierit, sanguinem e manu tua se<br />
reposciturum Dominus edicit. Recognosce paulisper<br />
mecum, quot iam paucis his mensibus, quibus episcopi<br />
locum occupasti, animae tua culpa perierint,<br />
quot etiam quotidie pereant: si tamen potes. Nam si<br />
verum est quod per prophetam (les. 5,14) suum conqueritur<br />
Dominus: Infernum propterea in immensum<br />
os suum aperuisse, et animam suam dilatasse,<br />
propterea captivum esse ductum populum, quia non<br />
habuerit scientiam:* quis inferni gurges ad deglutiendam<br />
miseram hanc et tua perfidia perditam plebeculam<br />
sufficiet? quae non vulgari inscitia obvoluta<br />
tenetur, sed altissimis tenebris immersa, oculos<br />
vix iam attollere potest. Ulam Iudaeorum ignorantiam,<br />
quam déplorât propheta, cum saeculi<br />
huius caecitate conféras: illos sane prae tuis eximie<br />
sapuisse dices. Adeo nihil istis superest humani<br />
sensus, quominus plane obstupuerint, nisi quod nihil<br />
aliud quam perire edocti, mira pereundi cupiditate<br />
insaniunt. Et quum ita omnes ad unum agminatim<br />
attoniti, et velut exitio suo devoti, sese in<br />
voraginem ultro devolvant, 2 ) instant tamen semper<br />
a tergo furiae, quae novis subinde aculeis instigent,<br />
et praecipitantes impellant. Denique non alia est<br />
faciès, quam si civitas aliqua et gravi pestilentia<br />
correpta, et [pag. 57] hostiliter expugnata, duplici<br />
pariter intornecione concideret et uno simul incendio<br />
universa conflagraret. Ad buccinam excubitor,<br />
ad arma pastor. Quid cessas? quid torpes? quid<br />
dormis? Dum animum externis et nihil ad rem<br />
pertinentibus curis abreptum hue non advertis, omnia<br />
strage referta sunt. Tot mortes Domino debes,<br />
infelix, to ties homicida es, toties reus sanguinis,<br />
cuius guttas omnes e manu tua Dominus requiret.<br />
Et sustines adhuc tantum fulmen intrepidus? Non<br />
exhorres? non turbaris? non animo et corpore to tus<br />
concidis? O te nimium praefracta contumacique cervice<br />
hominem, si ad tantum Domini iudicium non<br />
consternaris, cuius profecto gravitatem coelum et<br />
terra, et ipsa muta elemeuta non sustinerent. Sed<br />
parum adhuc dico, quum te homicidam appello, et<br />
tuorum proditorem. Hoc enim maius omni probro<br />
flugitium est, quod Christum ipsum, quantum in te<br />
1) Edd. recc 1576 seqq. male seribunt: olim.<br />
—1611 devolant.<br />
19<br />
2) 1576