You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
529 ACTES DE RATISBONNE. , 53a<br />
et de paix. Les deux premieres marques séparent<br />
les gentilz, pay ens et hérétiques [fol. 19] de l'Eglise.<br />
La troisiesme marque, sépare les schismatiques, et<br />
ceux qui à bon droit sont excommuniez. Puis la<br />
quatriesme marque de l'Eglise est, qu'icelle est Catholique<br />
et universelle, c'est à dire espandueen tous<br />
lieux et en tout temps, et dilatée iusques aux extremitez<br />
de la terre. ~<br />
De la premiere marque ou enseigne<br />
pour cong'noistre l'Eglise, qui est la<br />
parolle.<br />
Lorca que nous voyons ces enseignes demourer<br />
en l'Eglise, encoï qu'en icelle cependant soient plusieurs<br />
malings, lesquelz mesmes president et dominent,<br />
cela ne doit point pourtant mettre empeschement,<br />
que nous ne croions que il ne fault aultre<br />
part chercher la vraye Eglise des Chrestiens, que<br />
là où la saine doctrine a vigueur, le vray usage<br />
des sacrementz, et le lien de charité. Ceste grande<br />
maison ') a la promesse de l'infallible presence de<br />
Dieu et du S. Esprit, laquelle n'en est point distraicte<br />
pour les malingz, lesquelz y sont entremeslez,<br />
ainsi qu'il est cscript: le suis avec vous iusque<br />
à la consummation du siècle (Matth. 28, 20).<br />
Item: le ne vous laisseray point orphelins (lean<br />
14, 18). Et l'Apostre S. Paul: Et si aucuns d'eulx<br />
sont decheuz de la foy, qu'en adviendra il? leur<br />
incrédulité évacuera elle la fidélité de Dieu? Ainsi<br />
ne soit. Car Dieu est veritable et tout homme est<br />
menteur (Rom. 3,^3. 4).<br />
Car Dieu sçait bien par conseil admirable conserver<br />
ceste grande maison,. non en tous particulièrement,<br />
mais en ceux tant seulement, lesquelz<br />
aymans ef-entretenans" vraye Reverence divine, ne<br />
délaissent point l'unité de l'Eglise, pour la multitude<br />
des malings entremeslée: lesquelz en Esaie<br />
sont appeliez: les reliques, esquelles les promesses<br />
sont conservées et accomplyes : si ce n'eust esté (ditil<br />
1, Ü) que le Seigneur nous a laissé de la semence,<br />
nous eussions esté faictz comme Sodome,<br />
et faictz semblables à Gomorrhe. Et de rechef: Si<br />
le nombre des enfans d'Israël estoit comme l'arène<br />
de la mer, les reliques seront sauves (Es. 10, 22).<br />
Et l'Apostre dit (Rom. 11, 2 ss.), ne sçavez vous<br />
pas en Elie ce que dit l'escripture, comme il prie<br />
Dieu à l'encontre d'Israël: Seigneur, ilz ont tué tes<br />
Prophètes, [fol. 20] et ont ruyné tes autelz, et ie suis<br />
demouré seul, encor cherchent ilz mon amé. Qu'estce<br />
que luy diet l'oracle divin? I'ay réservé pour<br />
1) Note marginale: Les protestans voudroient que ce<br />
mot de grande maison fut obmiz.<br />
Calvini opera. Vol V.<br />
moi sept mille hommes, qui n'ont point courbé leurs<br />
genoulz devant Baal. Christ appelle telles reliques<br />
ses ouailles qui oient sa voix, et qui le suyvent,<br />
destinées particulièrement de Dieu, non pour se re-.<br />
cueillir hors de ceste maison, faisans une assemblée<br />
à part, mais à ce qu'en icelles ceste grande maison<br />
soit conservée, fortifiée et soubstenue, de paour<br />
qu'elle ne périsse du tout. Car icelles mesmès sont<br />
la maison fondée sur la roche contre laquelle, si<br />
toutes choses adverses faisoient effort, ce neantmoins<br />
elle persistera tousiours ferme, stable et immobile<br />
(Matth. 7, 24).<br />
Et ia soit que ceste grande maison ne florisse<br />
pas tousiours également en multitude de gens craignans<br />
Dieu, et qu'il n'y ayt pas tousiours une mesme<br />
clarté de la parolle: il ne fault doubter ny craindre<br />
toutefoys, qu'en icelle ne soit conservée la vraye<br />
Eglise laquelle seule a l'unction de l'esprit, qui nous<br />
instruict en toutes choses. Or elle est conservée<br />
cependant que l'unité de doctrine est retenue à tout<br />
le moings es choses qui sont nécessaires à reverence<br />
divine et salut. Car il y en a eu, sont et<br />
seront tousiours en ceste grande maison, qui contregardent<br />
sans macule ceste doctrine establye en<br />
foy, espérance et charité.<br />
De penitence apres le tresbuchement.<br />
. En ceste seule Eglise Catholique est remission<br />
des péchez, laquelle est donnée aux repentans, non<br />
seulement au baptesme, mais aussi après. Semblablement<br />
les péchez legiers ne sont point seulement<br />
remiz en ceste Eglise, entant que iceux par assidue<br />
sanctification de nous mesmes peuvent estre repurgez:<br />
mais aussi les gros vices et crimes, desquelz<br />
parle l'Apostre, que ceux qui font telles choses ne<br />
posséderont point le royaume de Dieu (1 Cor. 6, 10).<br />
Et en un aultre lieu (2 Cor. 12, 20): le crains (ditil)<br />
que quand de rechef ie viendray à vous, Dieu<br />
ne me humilie envers vous, et que ie ne mené<br />
dueil, pour plusieurs de ceux [fol. 21] qui ont auparavant<br />
péché et n'ont faict penitence de leur souilleure,<br />
et impudicité qu'ilz ont commise. Parquoy<br />
à iuste cause les Novatiains, qui aultrement sont<br />
appeliez Cathares, ') ont esté condemnez, entant<br />
qu'ilz denioyent remission des péchez à ceux qui<br />
estoient tresbuchez. Car il n'y a que le seul péché<br />
d'incrédulité, ou d'obstination persévérante iusque<br />
à la fin, et blaspheme contre le S. Esprit, et le<br />
péché de desperation, qui n'obtient point de pardon,<br />
ny en ce siècle ny au futur (Matth. 12, 32).<br />
Duquel péché on pourra entendre, ce qui est escript<br />
aux Ebrieux (6, 4): I npossible est, que ceux qui<br />
1) Note marginale: C'est à dire purs.<br />
34