Create successful ePaper yourself
Turn your PDF publications into a flip-book with our unique Google optimized e-Paper software.
571 ACTES DE ] EtATISBONNE. 572<br />
à reciter, ou bien qu'on ignore. Et ce mot legitime<br />
engendrera des scrupules. Pourtant seroit meilleur<br />
de l'oster. D'avantage, la remission des péchez est<br />
donnée par aultres moyens à ceux qui se repentent,<br />
et croyent: comme par le ministère publique de<br />
l'Evangile.<br />
Des satisfactions. ')<br />
La satisfaction qui a mérité remission de coulpe,<br />
et délivrance de mort éternelle, est à la vérité la<br />
seule mort du Filz de Dieu Iesus Christ, qui a<br />
esté faict pour nous sacrifice: selon ceste sentence<br />
de S. Iehan: Yoyci l'Aigneau de Dieu qui oste<br />
les péchez du monde. Par cest Aigneau, nous obtenons<br />
remission de coulpe, et sommes délivrez de la<br />
mort éternelle, non point à cause de hoz œuvres,<br />
ou poirr quelques satisfactions instituées par les hommes,<br />
ou aucune recompense des peines, mais les manières<br />
de faire en penitence, qu'on appelle satisfactions<br />
canoniques, ont esté anciennement ordonnées<br />
par les Evesques, ou pour exemples, ou pour disciplines.<br />
Car quand ilz recevoient ceux qui avoyent<br />
grièvement offensé, ilz les punissoyent, partie pour<br />
.esprouverleur fermeté: à sçavoir s'ilz se repentoyent<br />
de cœur: partie pour admonester les aultres par<br />
telz exemples de se garder plus soingneusement de<br />
faillir. Ilz estimoyent aussi, qu'il failloit tenir la<br />
bride roidde à aucuns. Et ces cerimonies s'observoyent<br />
devant l'absolution, comme signes de gens<br />
coulpables, et qui doyvent respondre en cause criminelle.<br />
Comme aussi entre les Payens [fol. 71]<br />
il y a eu certains signes pour les homicides et aultres,<br />
qui estoyent polluz de quelque crime iusque<br />
à ce qu'ilz fussent absoubz.<br />
Or ces peines sont creues petit à petit en l'Eglise,<br />
quand l'erreur est survenu qu'elles meritoyent<br />
la remission des péchez. Et les successeurs retenans<br />
à grand peine quelque petit umbre de l'observation<br />
ancienne, ont deffendu le nom de satisfaction<br />
et ont cherché nouvelles causes pour approuver<br />
ceste manière de faire. Hz allèguent que Dieu<br />
est iuste, pour faire vengeance, et qu'il ne remet<br />
point les péchez, sinon avec recompense des peines,<br />
et adioustent, que les peines de purgatoire sont compensées,<br />
non point par œuvres deues, mais imposées<br />
par le confesseur, et que telles satisfactions<br />
sont vaillables, mesme quand elles se font par les<br />
iniques. H est nécessaire de reprendre ces erreurs,<br />
qui ont esté introduictz en l'Eglise. Car il est nécessaire,<br />
que la doctrine de la remission des péchez<br />
gratuite consiste ferme et demeure en l'Eglise. H<br />
est nécessaire aussi que cela soit entendu, que les<br />
œuvres ordonnées par les hommes sans le comman-<br />
1) Lettre D. Voyez ci-dessus page 543.<br />
dement de Dieu, ne sont pas services divins, selon<br />
ceste sentence: C'est en vain qu'on me honnore<br />
par commandemens des hommes.<br />
A ce qu'on allègue, que Dieu comme iuste iuge<br />
punist les péchez: il est vray que Dieu punist<br />
mesme les esleux. Premièrement, par contrictions<br />
et horreurs de conscience , desquelz parle David,<br />
disant: Seigneur ne m'argue point en ta fureur. Et<br />
Ezechiel: Comme un lyon il a brisé tous mes oz.<br />
Ces terreurs sont plus vrayement peines, que des<br />
pleurs telz quelz de satisfaction.<br />
Secondement Dieu punist de peines specialles,<br />
plusieurs faultes de ceulx, qui se sont retournez à,<br />
luy, comme l'adultère de David. Et telles peines<br />
ordonnées de Dieu, sont tousiours sur les Sainotz:<br />
comme le Pseaulme diet des esleuz: le visiteray<br />
leurs iniquitez par verges. Item, le iugement commence<br />
à la maison du Seigneur: car Dieu chastie<br />
les siens, affin que toute nonchalance [fol. 72] charnelle<br />
soit purgée en eulx et que la crainte de son<br />
Nom, la repentance, la foy, et l'invocation, soyent<br />
augmentées. Combien que toutes les afflictions, ne<br />
soyent point peines de certains crimes ; comme tousiours<br />
la fleur de l'Eglise, les Prophètes, les Apostres<br />
et aultres personnages excellons, qui ont enduré<br />
grandes calamitez, par singulière providence<br />
de Dieu. Car il veult que son Eglise non seulement<br />
soit subiette en ceste vie aux misères qui s'ensuyvent<br />
communément en tous de la premiere cheute<br />
d'Adam: mais veult aussi qu'elle soit exercée speciallement<br />
pour plusieurs causes. La multitude des<br />
meschans ne recongnoist point le péché, ne l'ire<br />
de Dieu, mais comme il est diet en Genese : le péché<br />
se repose en eux iusques à ce, qu'il sera revellé: c'est<br />
à dire, il ne les espouvante pas iusques à ce, qu'ilz<br />
en sentiront les peines. L'Eglise donc est chastiée<br />
par dessus tous les aultres, affin de recongnoistre ses<br />
péchez et la corruption enracinée en nostre nature,<br />
et prouffiter en la craincte de Dieu et en penitence.<br />
Il y a aussi une aultre cause, c'est que s'il n'y avoit<br />
des perilz et grandes batailles, la foy et l'invocation<br />
languiroyent. Pour ceste cause l'Eglise est exercée<br />
en beaucoup de batailles. Comme ü est escript en<br />
Genese, le serpent mordra son talon, les fidèles sentent<br />
ses morsures bien aigres et bien poignantes,<br />
en plusieurs sortes, en tentations diverses et afflictions.<br />
Et est la propre sagesse de l'Eglise, d'entendre<br />
que Dieu veult humilier les Sainctz et les<br />
faire semblables en ceste vie mortelle à l'image de<br />
Christ. Item, qu'il regarde sur les affligez, comme<br />
sainct Pierre exhorte: Humiliez vous soubz la main<br />
puissante du Seigneur. Ceste puissance est" puissamment<br />
declairée de Dieu en l'une sorte et en l'aultre.<br />
H chastie les nonchallans, comme David, Sanson<br />
et Nabuchodonozor. D'aultre part, il redresse<br />
puissamment ceux qui font penitence et invocquent