Tom. V - Archive ouverte UNIGE

621 ACTES DB ]
combien grande multitude d'ames ceste loy de célibat
ou inhibition de se marier, a tiré desia long
temps par cy devant en damnation éternelle.
Combien doncques, que le célibat par adventure
est le plus duysant et convenable, pour contregarder
les richesses ecclésiastiques, toutesfoys, on
doit plus avoir d'esgard au vray service de Dieu,
salut des âmes, et exemple publicque. Car les
Prestres estans souillez de mauvaise conscience, ne
peuvent invocquer Dieu, ains ilz tresbuchent en
perdition éternelle et portent dommage par leur
maulvais exemple aux meurs et conditions des
aultres.
" Si les gouverneurs ne sont esmeuz par ces
causes de si grande importance, s'ilz empeschent
la vraye invocation, s'ilz ne sont touché en leur
cœur pour la perdition des aultres, véritablement
il y aura en l'Eglise une trop aspre servitude: Parquoy
nous prions que les ministres de l'Evangile
soyent retirez du lien de Célibat.
C'est un abuz commun partout, par lequel
Dieu est griefvement offencé, en ce que les hommes
addonnez et subiectz à publique turpitude demandent
absolution, et viennent à la Cène du
Seigneur sans aucune vraye repentance, ia soit
toutesfoys qiie pour la manière accoustumée de
faire ilz monstrent quelque feincte apparence de
penitence. Cela vient de ce que les Evesques depuis
long temps n'ont tenu compte des iugemens
ecclésiastiques, comme nous déclarerons puis après.
Mais toutesfoys qu'il soit commandé aux pasteurs,
que prudemment ilz administrent [fol. 131] les Sacremens,
ne donnans aucune absolution à ceulx qui
ne promettent emendement de leur vie. Et s'ilz
peuvent qu'ilz donnent à congnoistre aux iuges ecclésiastiques
ou aultres Magistratz, ceulx qui seront
addonnez à paillardise publique.
Que les pasteurs une fois l'an en chascune
Eglise oyent leurs parroissiens par ordre, principalement
les plus rudes et ignorans, les examinans
de leur foy, et que cela se face au temple. Or il
n'y a personne qui se puisse substraire de l'authorité
du pasteur en cest endroit: car nous devons
tous en particulier faire profession de nostre foy,
principalement devant les bons et fidèles pasteurs,
quand selon leur devoir ilz le requièrent.
Lors le pasteur doit admonester en prudence
et gravité, mesme un chascun particulièrement des
choses qui sont requises, selon l'eage et conditions
d'un chascun, enseignans lès ignorans, de foy, des
bonnes meurs et de l'usage des Sacremens.
Et à celle fin que le peuple puisse venir à la
Cène en bonne et paisible conscience: il fauldra
pourveoyr aux consciences de ceulx qui ayment
miculx user du Sacrement tout entier, veu qu'ilz
congnoissent, que telle est la coustume ancienne.
iTISBONNE. 622
Car nul ayant en soy mauvaise conscience ne peult
invoquer Dieu.
A celle fin doncques, que Dieu soit honnoré,
et qu'on ayt esgard au salut de aultruy, les gouverneurs
se doyvent bien donner garde que les
consciences, qui ont reverence à Dieu, ne soyent
blessées.
Il est aussi tout evident, que ceste cérémonie
a esté instituée pour confirmer la foy es pensées
craintifves et paoureuses, leur donnant consolation:
aussi à celle fin, qu'en icelles on rendist graces à
Dieu. Mais comment pourra la conscience navrée
et blessée prendre consolation, ou rendre graces?
C'estoit l'office et devoir des gouverneurs de l'Eglise
de visiter et guarir ces playes secrettes. Doncques,
que [fol. 132] l'abuz soit aboly: c'est 4 sçavoir,
la prohibition du calice.
C'est un tresgrand abuz, qui est commis par
tout, en ce, que les iugementz ecclesiasticques ne
sont exercez, ny de la doctrine, ny des meurs des
Prestres, ou du peuple.
Premièrement quand est ce, que les Papes ont
assemblé Conciles, pour consulter vrayement et droictement
touchant la doctrine? Mais maintenant nous
parlons des Eglises particulières. Les Evesques ont
leurs officiaux, comme ilz appellent, auxquelz on a
donné la charge et commission des causes, qui concernent
les contracta de mariages et aultres certaines
inquisitions. Iceux n'entendent point leur
office, ny ne le font. Mais ilz ont quelque manière
d'attrapper argent, ce qui seroit trop long à
racompter.
Nous ne pourrions sans grande tristesse racompter
les calamitez de l'Eglise. Nous avons en
Allemaigne force tiltres d'Evesques, mais nous n'en
avons point qui face son devoir. Car puis que quatre
sont les principaux offices de l'Evesque, enseigner
et conduire la doctrine, ordonner et examiner
ceux qu'on ordonne, maintenir les iugemens
ecclesiasticques, visiter les Eglises: à grand peine
noz Evesques d'Allemaigne ont retenu l'umbre et
cérémonie d'une seule partie: comme l'ordination
sans aucune espreuve. Toutesfoys cependant ilz ont
les grandes seigneuries: lesquelles gouvernans, ilz
font l'office de Ducz, non d'Evesques. Or s'ilz les
veullent retenir, nous n'y mettons point d'empeschement,
à tout le moins, qu'ilz pourveoyvent de
certains personnages qui gouvernent l'Eglise droictement:
et comme il a esté diet par cy dessus, il
fault qu'en une chascune Eglise certains soyent desputez,
qui seront sur l'ordination et espreuve de
ceux qui seront ordonnez: en telle sorte que euxmesmes
ou aultres soyent députez pour les iugemens
ecclésiastiques, et qu'ilz visitent les Eglises.
Donc qu'il y ayt quelqu'un ordonné en certain
lieu, ou ceste assemblée de iuges, qui exerce vraye-