Tom. V - Archive ouverte UNIGE

543 ACTES DE RATISBONNE. 5U
que Christ approuve es cieux ce qu'en son Nom son
ministre faiot en terre. Et d'autant que la puissance
des clefz s'estend plus loing, que à la remission
des péchez, à ceste cause puis après nous on
parlerons plus amplement.
H fault aussi enseigner touchant satisfaction, ')
que celle qui est propiciatoire de la coulpe, abolissante
la peine éternelle, doit estre attribuée à Christ seul.
Et que la satisfaction canonique, qui peült estre
dicte castigatoire, receuo des Curez, et ceux qui ont
l'administration des Sacremens, et accomplie en foy,
destruit les causes des péchez preteritz, et remédie
aux reliques de péché. Aussi qu'elle oste ou adoulcit
la peine temporelle, finablement qu'icelle sert
pour exemple. Or quand à la reservation dos peines,
il n'y [fol. 37] a nul qui la congnoisse, sinon
que Iesus Christ, auquel le Père a donné tout iugement.
Et pourtant il fauit laisser au seul Dieu
l'inquisition et iugement parfaict des dictes peines.
Du Sacrement de Mariag'e.
Le Sacrement de Mariage est particulier aux
Chrestiens seulement, qui congnoissent, que Mariage,
qui est ioinct et contract au Nom de Dieu
et de Christ, est une coniunction saincte et approuvée,
entre un seul homme et une seule femme,
confirmée par la benediction et consecration de Christ:
ce qui n'est pas ainsi au Mariage des infidèles. Car
Christ ayant abolie la separation iudaique, que Moyse
avait permis à ceste nation, p"our la dureté de leurs
cœurs, a restitué le Mariage en sa premiere pureté
(Matth. 19, 8): lequel aussi il a voulu estre un signe
sacré de ceste coniunction excellente, de soy et de
. son Eglise (Ephes. 5, 32).
Or la promesse de ce sacrement gist en la parolle
de Christ, quand il dict:.Celuy qui a faict du
commencement l'homme, il les a faictz masle et femelle
et a diet: A ceste cause l'homme délaissera
père et mere, et sera adioinct à sa femme, et seront
deux en une chair, parquoy ce ne sont plus
deux, mais une chair. Donc que l'homme ne sépare
point ce que Dieu a conioinct. Et un peu après :
Moyse vous a.permis de laisser vos femmes pour
la dureté de vostre cœur, mais il n'a pas esté ainsi
du commencement. Parquoy quiconque délaissera
sa femme, sinon que à cause d'adultère, et en prendra
une aultre, il paillarde. Ce que l'Apostre expose
quand il diet (1 Cor. 7, 10): le commande à
ceux qui sont conioinetz par Mariage, non pas moy,
mais le Seigneur, que la femme de se départe point
du mary; que si elle s'en depart, qu'elle demeure
1) Note marginale: De satisfaction les protestaus ont
présenté leur escript,' signé D.
sans se marier, ou qu'elle se reconcilie avec son
mary.
L'élément de ce Sacrement est celle extérieure
conionction de l'homme et de la femme, par laquelle
ilz sont accouplez en l'Eglise au Nom de Dieu et
de Christ: Ce quo l'Apostre sainct Paul appelle se
marier au Seigneur.
[fol. 38] Or la vertu de ce Sacrement est, que
les mariez entendent, qu'ilz sont conioinetz, non par
authorité humaine, ains divine, et qu'ilz ont receu
la grace, par laquelle leur convenance legitime en
Mariage n'est point imputée à coulpe: par laquelle
aussi le Chrestien sanctifie sa femme payenne, qui
s'accorde de demourer avec luy, et que de luy proviennent
enfans sainetz (1 Cor. 7, 14), c'est à dire
desdiez à Dieu, par laquelle, pour abréger, ilz doivent
garder loyaulté perpétuelle l'un à l'aultre, à
celle fin qu'ilz soient deux en une chair, ainsi que
Christ et son Eglise (Ephes. 5, 31). Les Manichéens
et Tatians, qui sont aussi nommez Eucratites,
') par doctrine des Diables, defendans le Mariage,
sont condamnez de la censure apostolique
(1 Tim. 4, 3). '
Or les choses qui concernent la deliberation des
separations et iugemens matrimoniaux, soient réservées
à la reformation.
Du Sacrement de l'unction des malades.
L'unction des malades usitée en l'Eglise, est
prinse de la parolle de l'Apostre sainct laques. Car
sans doubte icy l'Apostre nous a laissé tel mandement
de Christ, non point en son propre nom, ains
comme serviteur de Iesus Christ. Y a il quelqu'un
(dit-il) qui soit malade entre vous? qu'il face venir
les Anciens, à celle fin qu'ilz prient pour luy, l'oingnans
de huyle au Nom du Seigneur, et l'oraison
de foy guarira le malade, et le Seigneur le soulagera,
et s'il est en péché ilz luy seront pardonnez.
En laquelle parolle gist le verbe de ce Sacrement,
qui ost appréhendé par foy. Or l'huyle est Tele-,
ment de ce Sacrement, par laquelle est signifié au
malade, qu'estant par maladie, abbatu en l'infirmité
de son corps, il doit respirer en Christ seul, qui
est oinct d'huyle de liesse, par dessus tous ceux
qui participent avec luy: à celle fin qu'il pense qu'il
est oinct au Nom du Seigneur: que tout ainsi qu'un
bon Champion, estant constitué en une extreme bataille,
de paour que par aucune violence de la maladie;
ou par assaulx du Diable, il ne soit surmonté:
ains estant conforté en foy, foule aux piedz la chair,
le monde et Sathan: et ce [fol. 39] au Nom de celuy
Christ, auquel il est oingt.
1) Lisez: Encratites.