Tom. V - Archive ouverte UNIGE

441 , DE LA CENE. 442
commandant que nous annuncions sa mort, iusques
a ce qu'il vienne. Si c'est doncq une chose tant
requise à salut, de ne point mescongnoistre les
graces que Dieu nous a faictes, mais les réduire diligemment
en mémoire et les magnifier envers les
autres, à fin de nous édifier mutuellement: en cela
nous voyons une aultre singulière utilité de la Cène,
qu'elle nous retire d'ingratitude, et ne permet pas
que nous oublions le bien que nous a faict le Seigneur
Iesus en mourant pour nous: mais nous induict
à luy rendre action de grace, et quasi par
confession publique protester combien nous sommes
attenus à luy.
La troisiesme utilité gist en ce que [pag. 23]
nous y avons une vehemente exhortation à vivre
sainctement, et sur tout à garder charité et dilection
fraternelle entre nous. Car puis que là nous sommes
faictz membres de Iesus Christ, estans incorporez
en luy, et unis avec luy, comme à nostre chef, c'est
bien raison premièrement que nous soyons faictz
conformes à sa pureté et innocence, et spécialement
que nous ayons ensemble telle charité et concorde
comme doibvent avoir les membres d'un mesme
corps. Combien que pour entendre droictement ceste
utilité il ne fault pas. estimer que nostre Seigneur
seulement nous advertisse, incite et enflambe noz
cueurspar le signe extérieur. Car le principal est qu'il
besongne en nous intérieurement par son sainct
Esprit, à fin de donner efficace à son ordonnance,
qu'il a destinée à cela comme instrument, par lequel
il veult faire son oeuvre en nous. Parquoy, entant
que la vertu du sainct Esprit' est conioincte avec
les Sacremens, quand on les reçoit [pag. 24] deuement,
nous avons à espérer ') un bon moyen et
ayde pour nous faire croistre et proffiter en saincteté
de 1 vie, et singulièrement en charité.
Tenons au troisiesme, poinct principal que nous
avons proposé au commencement de ce traicté, assavoir,
à l'usaige legitime, qui est d'observer reveremment
l'institution du Seigneur. 2 ) Car quiconque
approche de ce sainct Sacrement s ) avec mespris
ou nonchalance, ne se souciant pas beaucoup de
suivre où le Seigneur l'appelle, il en abuse perversement,
et en abusant le contamine. Or, polluer et
contaminer ce que Dieu a tant sanctifié, c'est un
sacrilege intolerable. Ce n'est pas doncq sans cause
que sainct Paul dénonce une si grieve condamnation
sus tous ceux qui le prendront indignement. Car
s'il n'y a rien au ciel ne en la terre de plus grand
prix et dignité que le corps et le sang du Seig-
1) nous avons là espérer, 1541. 1542; nous en avons à
espérer, 1549 ss.
2) La première édition 1541 met simplement: Venons à
l'usaige legitime qui est d'observer, etc.
3) de ce Sacrement 1566 ss.; ad hoc sacramentum (GaU.).
neur, ce n'est pas petite faulte de le prendre inconsidérément,
et sans estre bien préparé. Pourtant
il nous exhorte de nous bien esprouyer pour en
user comme il appartient. Quand nous entendrons
[pag. 25] quel doibt estre cest examen, nous sçaurons
quel est cest usage que nous cerchons.
Or, il nous fault icy bien contregarder. Car,
comme nous ne povons mettre trop grande diligence
à nous examiner, selon que le Seigneur ordonne:
aussi, d'autrepart, les docteurs sophisticques ont mis
les povres consciences en perplexité trop périlleuse,
ou plustost, en une géhenne horrible, requérant iö
ne sçay quel examen dont il n'estoit possible de
venir a bout. Pour nous depescher de tous ces
troubles, il nous fault réduire le tout, comme i'ay
desia diet, à l'ordonnance du Seigneur, comme à
la reigle, laquelle ne nous laissera point faillir,
quand nous la suivrons. En la suivant, nous avons a
esprouver si nous avons vraye repentance en nous
mesmes, et vraye foy en nostre Seigneur Iesus
Christ: Qui sont deux choses tellement conioinctes,
que l'une ne peut consister sans l'autre. Car si
nous- estimons nostre vie estre située en Christ, il
nous [pag. 26] fault recpngnoistre que nous sommes
mortz en nous. Si nous cerchons en luy nostre
vertu, il fault que nous entendions que nous deffaillions
en nous mesmes. Si nous estimons toute nostre
félicité estre en sa grace, il est nécessaire que
nous entendions quelle est nostre inisere, sans icelle.
Si nous avons en luy nostre repos, il fault qu'en
nous mesmes nous ne sentions que tourment et inquietude.
Or, telle affection ne peut estre, qu'elle
n'engendre premièrement un desplaisir de toute nostre
vie: puis après une solicitude et crainte, finalement
un désir et amour de iustice. Car celuy qui
congnoit la turpitude de son péché, et la malheureté
de son estât et condition, ce pendant qu'il est aliéné
de Dieu, en ha telle honte, qu'il est contrainct de
se desplaire, se condamner, gémir et souspirer de
grande tristesse. D'avantaige, le Iugement de Dieu
se présente incontinent, lequel presse la conscience
pécheresse de merveilleuse anxiété, ') d'autant qu'elle
voit qu'il n'y a [pag. 27] nul moyen d'eschaper, et
n'a que respondre pour sa defence. Quand avec
une telle recongnoissance de nostre misère, nous povons
gouster la bonté de Dieu, lors nous desirons de
reigler nostre vie à sa volunté, et renoncer à toute
nostre vie précédente, pour estre faictz en luy nouvelles
creatures. Si nous voulons doncq deuement
communiquer à la sacrée Cène du Seigneur, il fault
que nous tenions en ferme fiance de cueur le Seigneur
Iesus pour nostre iustice unicque, vie et salut,
1) La première édition seule met: anxiété. Dans toutes
les autres (1542 ss.) on lit: angoisse.