Tom. V - Archive ouverte UNIGE

539 ACTES DE RATISBONNE. . 540
laquelle est signifié que ceux qui sont esleuz à cest
office sont confirmez pour l'œuvre du ministère, et
qu'ilz reçoivent la puissance de prescher la parolle,
consacrer l'Eucharistie, administrer les Sacremens,
mettre en l'Eglise toutes choses en ordre pour edi-
> fication et pour réprimer les rebelles et vitieux.
Or là vertu de ce Sacrement comprend la puissance
de l'ordre et de iurisdiction. La puissance
de l'ordre contient predication de la paroÛe et administration
des Sacremens et ordination des Eglises
à edification. Iurisdiction emporte puissance d'excommunier
les rebelles et d'absouldre les repentans.
Quant aux ordres qui sont en l'Eglise, les uns
sont dietz grans, les aultres petis, comme de Prestres,
Diacres, soubz Diacres, Acoluthes, Lecteurs,
Exorcistes et Portiers: desquelz l'usage et administration
[fol. 32] legitime, on demande estre restitué
selon la reigle et coustume de l'Eglise ancienne.
Au surplus on doit mettre ceste difference entre
les Sacremens, qui sont exhibez en l'Eglise par ministère
publique, et par lesquelz la grace par la
bonté de Dieu est donnée aux fjkleles, en telle sorte
qu'aucuns sont les plus exceliens et principaux:
comme Baptesme, Ordre, Eucharistie et absolution:
sans lesquelz l'Eglise ne peult demourer en son entier:
les aultres sont donnez et instituez à celle fin
qu'ilz soient signes sacrez pour le soulagement ot
médecine de l'infirmité humaine: mais non pas si
nécessaires comme les premiers, que nous avons
mis, ia soit qu'ilz soient fort utiles et salutaires,
moyennant toutesfoys qu'ilz soient administrez et
receuz en bonne foy et devotion.
Du Sacrement de Baptesme.
Le Sacrement de Baptesme a commandement
de Dieu et divine promesse qui est contenue en ces
parolles: Allez et enseignez toutes gens, les baptizans
au Nom du Père et du Filz et du S. Esprit.
Et: Qui croyra et sera baptize sera sauvé.
, Or son element, selon la generale forme du
Baptesme, est l'eaue, selon ceste parolle de Christ:
Si aucun n'est régénéré d'eaue et d'esprit, il ne
pourra entrer au Royaume de Dieu (lean 3, 5).
Car le Baptesme est le lavement d'eaue en la parolle
dévie (Ephes. 5, 26); non par lequel les souilleures
du corps sont lavées: mais par lequel il advient
que la bonne conscience respond devant Dieu
(1 Pierre 3, 21), par la resurrection de Iesus Christ,
qui est à la dextre du Père, qui a englouty la
mort, à celle fin que nous soyons faictz heretiers
de la vie éternelle.
Donc la vertu du Baptesme est, d'estre par
vertu divine nettoyé de tout péché, i'entend en ceux
qui y viennent deuement et sans hypocrisie, et es-
tre faict par l'Esprit de regeneration d'enfant d'ire,
enfant de Dieu (Tite 3, 6): mourir et estre ensepvely
avec Christ, et avec iceluy ressusciter en renouvellement
de vie, estans faictz participans [fol. 33]
de sa mort et de sa resurrection, commenceans en
nous une vie nouvelle, et ce non par nostre force,
ains par la vertu divine, par laquelle aussi il est
ressuscité.
Or le Baptesme donne iustification et d'icelle
nous rend entièrement asseurez : ainsi que tesmoingne
l'Apostre S. Paul: Quiconque (dit-il) estes baptizez
en Christ, vous avez vestu Christ (Gai. 3, 27).
Ceste vertu du Baptesme nous doit revenir en
memoire, et estre exercée tout le temps de nostre
vie, à celle fin que l'homme Chrestien meure à cestuy
usage mortel, et qu'en renonceant au monde
et au Diable, il renonce à soymesme, respirant en"
Dieu et en iceluy méditant nouvelle vie, iusque à
ce, que ce corps mortel reveste immortalité: et que
la chair ensepvelye par infirmité ressuscite en gloire
(1 Cor. 15, 53). Car le Baptesme est le gage et
representation de la resurrection: non seuloment
spirituelle, mais aussi de celle de la chair, qui est
future. Comme sainct Ambroyse monstre' sur le
sixiesme chapitre des Romains.
Il fault aussi enseigner, que l'Eglise a receu
commandement des Apostres, touchant le Baptesme
des enfans: et que non seulement la grace est nécessaire
à salut, pour ceux qui sont en eage, ains
aussi pour les petiz, entant qu'en iceux sont les
souilleures naturelles de péché qui doivent estre
abolies par l'eaue et Esprit. Selon ce diet de l^Evangile:
Si aucun n'est régénéré d'eaue et d'Esprit
etc. Il est aussi tout notoire, que à iceux appartient
la promesse de l'Evangile, laquelle ne peult
aucunement appartenir à ceux qui ne sont receuz
en l'Eglise, que par le Baptesme. Parquoy ces estourdiz
Anabaptistes sont à condamner, qui n'approuvent
point le Baptesme des petiz: affermans
qu'iceux sans le Baptesme peuvent estre sauvez.
Du Sacrement de Confirmation.
Apres le Baptesme s'ensuyt le Sacrement de
Confirmation: lequel eneqr qu'il ne soit de nécessité
à salut: toutesfoys il est fondé sur la parolle
de Dieu: par laquelle est promis, que le [fol. 34]
Père donnera son S. Esprit, à ceux qui l'en requerront.
Or l'élément est l'imposition des mains:
à laquelle, mesme du temps des Apostres, le S. Esprit
sensiblement descendoit sur les fidèles. Puis
après que ce don special de diversité des langues
n'estoit ia plus nécessaire pour confirmer la foy, entant
que l'Eglise estoit amplifiée, toutesfoys l'imposition
des mains demoura, et aussi par authorité
Ecclésiastique, le signe d'unction a esté adioinct,