Tom. V - Archive ouverte UNIGE

iiVm
TRAOTATUS THEOLOGICI MINORES.
Melanthon, inter colloquutores praecipuus, edidit: Acta in conventu Ratisbonensi continentia quae
sequuntur caett. Impressum Wittembergae per Iosephum Klug. M. D. XLI. Präefatio ad pium lectorem
data est circa d. quartam Octobris. Inveniuntur eadem haec Acta in operibus Melanthonis curante Peucero
Wittenbergae editis Tom. TV. p. 729 seqq. Bretschneideras in edendo Corpore Reformatorum il,lustrissimus
noster decessor, haec Acta secundum temporum ordinem Tomo IV. operum Melanthonis
passim suo loco inseruit.
Ioannes Bckius, tertius colloquutorum catholicorum, qui febri correptus ab ipso colloquii initio
nulli actioni adesse poiuit, pleraque documenta ad banc ratisponensem concordiam pertinentia sequenti
anno edidit hac suo libro facta inscriptione : Apologia pro Beverendissimis et IUustrissimis Principibus Oatholicis
ac aliis ordinibus Imperii adversus mucores et calumnias Buceri super actis Comitiorum Ratisponae.
Apologia pro Reverendissimo Sedis] Apostdlicae Legato et cardinali Caspare Contareno. Io. Eckio. autore.
Coloniae M. D. XLII. mense Maio.
Ante aliquot annos Oarolus Theodoras Hergang librum edidit de colloquio ratisponensi peculiariter
tractantem et praecipua documenta tarn latine quam germanice concepta exhibentem, hoc titulo:
Das Religions-Gespräch zu Regensburg im Jahre 1541 und das Regensburger Buch, nebst andern darauf bezüglichen
Schriften jener Zeit. Cassel 1858. 8.
Acta latina Buceri incuria quadam laborant et tumultuarie conscripta videntur et publicata. Ordo
enim temporum nullo modo observatus est et multa desiderantur. Germanica editio multo accuratior et
auctior perpetuam exhibet historicam enarrationem earum rerum quae post praesentationem uniuscuiusque
scripti aut dehberata aut transacta sunt. Acta Melanthonis multo pauciora continent quam Buceriana,
et passim varias habent lectiones, sed eas parvi plerumque momenti. Eckii Apologia refutatio est
eorum quae Bucerus suis Actis admiscuit tanquam pontificiorum. censuram. Quod ad documenta ipsa
attinet, textum habet cum Buceriano fere omnibus in partibus verbo tenus consonum.
Acta Calvini gallica quae nunc primum suo loco inter eius opera theologica restituimus, quum
et Grallasius et Beza ea omnino neglexerint, textum Buceri latinum sequuntur, solum scilicet quem Noster
in manibus habere potuit. Sed cave nudam Buceriani libri versionem hanc esse tibi persuadeas.
Nonnulla enim omittit, alia non pauca compendio reddit, exhortationes videlicet, censuras et refutationes;
passim etiam e suo penu rerum narratiunculas addit, et sie librum vere novum et proprium lectoribus
offert. Quae de singulis locis et partibus dicenda sunt, ea ad ipsum textum annotata reperies.
Unum superest quod moneamus: Actorum nostrorum gallicorum exemplaria rarissima esse et
paucis visa. Nobis certe duo tantum innotuerunt, alteram in bibliotheca Dresdensi asservatum, alteram
quo ipsi usi sumus, turicense ex bibliotheca Carolina sive civica depromptum.