Tom. V - Archive ouverte UNIGE

443 DB LA CENE. 444
reoevans et acceptons les promesses qui nous sont
données de luy pour certaines et asseurées; renonçeans,
d'aultrepart, à toute fiance contraire, à fin
que en nous deffiant de nous et de toutes creatures,
nous reposions ') plainement en luy, et nous contentions
de sa seule grace. Or, pource que cela ne
peut estre, que nous ne congnoissions la neoessité que
nous avons qu'il nous subviene, il est, mestier que
nous soyons aussi touchez vivement au dedans du
cueur [pag. 28] d'un vray sentiment de nostre misère,
lequel nous face avoir faim et soif de luy. Et
de faict, quelle mocquerie seroit-ce de venir cercher
la viande sans appétit? Or, pour avoir bon appétit,
il ne suffit pas que l'estomach soit vuide: mais il
est requis qu'il soit bien disposé, et capable de recevoir
sa nourriture. De cela doncq il s'ensuit que
noz âmes doivent estre pressées de famine, et avoir
un désir et zèle ardent d'estre repeues, pour bien
trouver leur nourriture en la Cène du Seigneur.
D'avantaige, il est à noter que nous ne povons désirer
Iesus Christ sans aspirer à la iustice de Dieu,
laquelle gist en l'abnégation de nous mesmes, et
obéissance de sa volunté. Car il n'y a ordre que
nous prétendions d'estre du corps de Christ, nous
abandonnant à toute licence, et menant une vie dissolue.
Puis qu'en Christ il n'y a que chasteté, bénignité,
sobriété, vérité, humilité, et toutes telles vertus:
si nous voulions estro ses membres, il fault que
toute paillardise, haultesse, intemperance, {"pag. 29]
mensonge, orgueil et semblables vices soient loing
de nous. Car nous ne povons mesler ces choses
avec luy, sans luy faire grand deshonneur et opprobre.
H nous doibt tousiours souvenir qu'il n'y
a non plus de convenance entre luy et iniquité, qu'entre
la clarté et les ténèbres. Yoy-là doncq comme
nous y viendrons en vraye repentance, si nous tendons
a cela, que nostre vie soit faicte conforme à
l'exemple de Iesus Christ. Toutesfoys, combien que
•" cela soit general en toutes les parties de nostre vie,
si a-il spécialement lieu en charité, comme elle
nous est sur tout recommandée en ce Sacrement;
pour laquelle raison il est nommé le lien d'icelle.
Car comme le pain qui est là sanctifié pour l'usage
commun de nous tous, est faict de plusieurs
grains tellement meslez ensemble, qu'on ne sçauroit
discerner l'un de l'autre, ainsi devons nous
estre unis entre nous d'une amitié indissoluble.
Et qui plus est, nous recevons là tout un mesme
[pag. 30] corps de Christ, à fin d'en estre faictz
membres. Si nous avons doncq dissentions et discords
ensemble, il ne tient pas à nous que Iesus
Christ ne soit desciré par pieces: et serons coulpables
d'un mesme sacrilege, comme si nous l'avions
faict. Il ne fault pas doncq que nous présumions
1) nous nous reposions, 1549 ss.
nullement d'en approcher, si nous portons quelque
hayne ou rancune à homme vivant, et principaller
ment à aucun Chrestien qui soit en l'unité de l'Esglise.
Nous devons aussi, pour bien accomplir l'ordre du
Seigneur, apporter une autre affection: c'est de confesser
de bouche et testifier combien nous sommes
redevables à nostre Sauveur, et luy rendre aotion
de grace, non seulement à fin que son nom soit glorifié
en nous, mais aussi à fin d'édifier les autres,
et les instruire par-nostre exemple de ce qu'ilz ont
à faire.
Mais pource qu'il ne se trouvera homme sus
la terre qui ayt si bien profité en foy et en saincteté
de vie, qu'il [pag. 31] n'ayt encore beaucoup d'infirmité
tant en l'une qu'en l'autre, il y auroit dangier
que plusieurs bonnes consciences ne feussent troublées
de ce qui a esté diet, si on ne venoit au devant,
en modérant les préceptes que nous avons mis,
tant de Foy comme de repentance. Pour tant, c'est
une périlleuse manière d'enseigner que tiennent aucuns,
de requérir une parfaicte fiance de cueur et
parfaicte penitence, et exclurre tous ceux qui ne
l'ont point. Car en ce faisant, tous sont exclus, sans
en excepter un. Que ainsi soit, qui sera celuy qui
se pujsse vanter de n'ostre entaché de quelque deffiance
? de n'estre subiect à quelque vice ou infirmité ?
Certes les enfans de Dieu ont telle foy, qu'ilz ont
tousiours mestier de prier que le Seigneur subvienne
à leur incrédulité. Car c'est une maladie tant enracinée
en nostre nature, que iamais nous n'en sommes
plainement guaris, que nous ne soyons délivrez
de ceste prison de nostre corps. D'^advantage, ilz
cheminent tellement [pag. 32] en pureté de vie, qu'ilz
ont mestier iournellement de prier, tant pour la remission
des péchez que pour demander grace de
myeux proffiter. Combien que les uns soient plus
imparfaietz, les autres moins: toutesfoys, il n'y en
a nul qui ne deffaille en beaucoup d'endroietz. Ainsi
la Cène, non seulement nous seroit inutile à tous,
mais aussi pernitieuse, s'il nous, y faloit apporter
une intégrité de foy ou de vie, à laquelle il n'y ëust
que redire. Ce qui est contraire à l'intention de
nostre Seigneur: car il n'a rien donné de plus salutaire
à son Esgli8e. Pourtant, quand nous sentirons
en no«*s une foy imparfaicte, et que nous n'aurons
pas la conscience si pure, quelle ne nous accuse
de beaucoup de vices, si ne nous doibt pas empescher
cela, que nous ne nous présentions à la
Saincte Table du Seigneur, moyennant que au meillieu
de ceste infirmité nous sentions en nostre cueur
que, sans hypocrisie et faintise, nous espérons salut
de Iesus Christ, et desirons [pag. 33] de vivre selon
la reigle de l'Evangile. le dy nomméement qu'il n'y
ayt point d'hypocrisie: car il y en a beaucoup qui
se déçoivent par vaines flateries, se faisant à croire
qu'il suffist de condamner leurs vices, combien qu'ilz