Tom. V - Archive ouverte UNIGE

549 ACTES DE RATISBONNE. 550
péché originel, du Baptesme des enfans, et aultres
semblables.
Aussi par ceste mesme authorité a esté receu
en l'Eglise, que les sainctz, qui sont décédez devant
nous à la vie du siècle futur, sont comme les
plus nobles membres de l'Eglise: lesquelz le Père
celeste recongnoist pour ses enfans et honnore (lean
12, 26): le filz les recongnoist pour ses frères et
cohéritiers (Rom. 8, 29) : le sainct Esprit les appelle
ses temples (2 Cor. 6, 16): lesquelz doivent estre
louez: et desquelz la memoire doit estre célébrée
par solemnité religieuse, pour nous esmouvoir à les
ensuyvir: à celle fin que nous soions faictz participans
de leurs mérites: comme sainct Augustin escript
contre Fauste le Manichéen ') et l'Apostre
sainct Paul aux Ebrieux (13, 7). Desquelz (dit-il)
regardans la fin de leur conversation, ensuyvez
aussi la foy. Car l'Eglise est de ceste resolution,
et non sans Eseriptures, que les sainctz sont esmeuz
d'un merveilleux désir de nostre salut, comme membres
d'un seul et mesme corps, qui ne peuvent estre
consummez sans nous: à ceste cause ilz prient
Dieu pour nous: et Dieu de son costé exauce les
sainctz qui prennent soing de nous, et que pour
l'amour d'iceux il nous faict bien. Et comme il
ne fault point doubter que les sainctz n'ayent leurs
propres mérites (Exod. 32; Dan. 3), lesquelz pareillement
sont dons de Dieu: aussi il a esté receu
par le commun accorcLde l'Eglise, que en ceste manière
on prie Dieu droictement, par laquelle il octroyé
aux mérites et prières de ses sainctz, que
nous soyons muniz de l'ayde de sa saulvegarde en
toutes choses: non pas par les mérites d'iceux,
comme d'eulx mesmes, mais par Christ nostre Seigneur:
par la grace duquel, eulx aussi ont esté sauvez.
2 ) Duquel ilz tiennent et recongnoissent tout
mérite. Et ne fault point condemner, si aucun par
devotion et pieté, et par un ardeur d'esprit, en la
commemoration de nostre [fol. 45] union si parfaicte
avec eux en Christ, appelle iceux sainctz, mesme
nommément: moyennant que ce soit hors des prières,
qui se font à l'autel, esquelles l'oraison doit
estre dressée au seul Dieu le Père, par Christ,
comme il a esté conclud au Concile troisiesme de
Carthage. En telle sorte toutesfoys, que toute nostre
fiance soit posée au seul Iesus Christ, autheur
de tout bien, et que rien ne soit attribué aux sainctz
de ce qui est propre à Dieu. Tant seulement qu'on
implore les sainctz envers Dieu, tout aussi bien que
nous prions ceux qui sont encor en chair avec nous:
et ce pour ayder noz prières, comme estans servi-
1) Livre XX. Chap. 21. 2) Note marginale: Les protestans
ont présenté sur ceste partie et sur le Paragraphe
suyvant leur escript des sainctz, signé F.
tèurs avec nous, qui ont ia mérité d'estre faictz
combourgeoys d'en hault.
Et pource que facillement les hommes tumbent
de vraye pieté en superstition, on les doit enseigner
diligemment et sans se faindre, touchant ces
choses icy. C'est assavoir de colloquer leur fiance
en Dieu seul: à iceluy seul offrir sacrifices: lequel
doit estre invoqué comme autheur unique de nostre
salut : et que les sainctz ne doivent estre autrement
reputez que intercesseurs diligens envers
Dieu, estans soliciteux de nostre salut : lesquelz nous
devons honnorer et imiter, non en leur propre vertu,
mais en Dieu seulement, auquel on doit rendre
graces à cause de leurs victoires.
Véritablement sainct Augustin en escript excellemment
à Boniface contre l'Epistre de Pelagius.*)
Nous n'édifions point (dit-il) des temples
aux Martyrs, ni ne constituons prestrises, services,
ny sacrifices: car ce ne sont pas eux, mais c'est
leur Dieu, qui est le nostre. Il est bien vray que
nous honnorons leurs sepulchres et monumentz,
comme de sainctz personnages qui ont bataillé iusques
à la mort corporelle, pour la vérité, à celle
fin que la Religion fust de plus manifestée, les aultres
faulses Religions estans vaincues et abbatues.
Et qui est celuy qui a ouy quelque foys le Prestre
des fidèles estant à l'autel, mesme sus un corps
sainct d'un Martyr, autel (dis-ie) eslevé pour l'honneur
et service de Dieu, dire en ses prières: Pierre,
Paul ou Cyprian [fol. 46] ie t'offre ce sacrifice? Lors
qu'aux monumentz d'iceux on offre à Dieu qui les
a faictz et hommes et Martyrs: les associans par
honneur celeste à ses sainctz Anges: à celle fin
aussi, que par tel honneur nous rendions graces
au vray Dieu pour les victoires qu'ilz ont obtenues:
nous enhortans nousmesmes à l'imitation de telles
coronations et triumphes, ayant invoqué iceluy mesme
Dieu, par la recordation de leur memoire. Donc
tout le service, qui est faict es lieux des (bienheureux
Martyrs, est pour la decoration de leurs monumentz:
non pour service ou sacrifice dédiez aux
mortz comme à Dieu. Cestes sont les parolles de
sainct Augustin. Touchant les vrayes Reliques des
sainctz Martyrs, tousiours telle a esté l'opinion en
l'Eglise: qu'elles doivent estre tenues en reverence
et devotion. Premièrement, pource que ces cendres
et oz des Sainctz sont gaiges et despouilles à
nous délaissées: lesquelles nous advertissent de la
foy et charité qui a esté en eux: entant que nous
reduysons en memoire que ces mesmes oz (desquelz
ia-dis le corps qui est ïe domicile de la grace inhabitante
a esté conioinct: auxquelz aussi les membres
ont esté adioinct) ont esté auparavant les tem-
1) Livre III. Chap. .3
35*