Tom. V - Archive ouverte UNIGE

EPISTEE AU LECTEUR. 0
Pour ce qu'il y a plusieurs sainctz personnaiges en toutes nations, vrais amateurs de la vérité
de Dieu, et desirans 1'advancement de son Royaulme, qui attendent de iour en iour quand il plaira au
Seigneur de remettre son Eglise en bon ordre: et sont comme aux escoutes incontinent qu'ils entendent
qu'il y a quelque ouverture faicte, pour réduire l'Eglise en meilleur estât: pourtant aussi qu'il y a beaucoup
d'infirmes par le monde," qui ne se osent pas resouldre quel chemin ilz doibvent suyvre, iusque à
ce qu'il y ait une reformation faicte par l'auctorité commune de ceux ausquelz Dieu a donné la puissance
et le gouvernement de la Chrestienté: i'ay pensé que ce seroit un labeur bon et profitable à tous
Ohrestiens, de mettre en ordre la somme de ce qui a esté n'agueres traicté entre tous les estate de l'empire
à la iournée de Regespourg, qu'on nomme aultrement Ratispone touchant des différons de la Religion
[fol. 3] affin que les premiers ayent matière de se consoler et resiouir^en nostre Seigneur, voyant
que la vérité de l'Evangile, comment qu'elle ayt esté assaillie du diable, n'a pas esté oppressée ne vaincue,
mais plustost advancée: et que les secondz par la procedure qui a là esté, recongnoissent que c'est temps
perdu de s'attendre aux hommes, comme il leur apparoistra facilement: et ainsi reçoivent la lumière de
Dieu quand elle leur est offerte, sans regarder çà ne là de quel costé le vent souffle. Ceux qui mettent
tous les empeschemens qu'il est possible, à ce que la vérité ne vienne en avant, craingnans que leurs
cautelles et practiques obliques ne se descouvrent, vouldroient bien que de tout ce qui se faict il n'en
fust iamais nouvelles puis après, les saiges aussi de ce monde ne trouvent pas bon que ces matières
soient publiées iusques au simple populaire, pour ce qu'il leur semble qu'il n'y a iugenjent ne raison
pour discerner,, sinon en leur teste. Mais puis que Dieu n'a pas donné sa parolle affin qu'elle fust ensepvelie,
ou tenue comme prisonnière entre petit nombre de gens sçavans: mais a voulu qu'elle soit
preschée à tout le monde: ce n'est pas raison de priver le peuple Ohrestien du benefice que Dieu luy
a voulu communiquer par sa bonté. Puis que ainsi est donc, que par la malice de Sathan la doctrine,
laquelle nous debvoit reconcilier à Dieu et engendrer paix et concorde entre tous les hommes de la
terre, est à present tant débattue avec si merveilleuse éontention, en telle sorte que l'Eglise en est misérablement
dissipée, et quasi désolée, il n'y a rien meilleur à tous Ohrestiens, que d'enquérir et sçavoir
quelles sont les matières dont il est question, de discuter et bien poiser les raisons d'une part et
d'aultre, affin de se resouldre. devant Dieu: et prendre un fondement certain, pour avoir repos en leurs
consciences. Car c'est un paovre estât que de vaguer et chanceler tousiours: mesme en ce qui nous
debvroit estre tant certain et asseuré. Mais il n'est ia mestier de poursuivre plus amplement ce propos.
Car ceux qui liront ce present livre en sentiront bien l'utilité par experience, sans qu'on les en advertisse
de parolles.
1) Comme cette Epistre au Lecteur ne se trouve ni dans les Actes de Bucer ni dans ceux de Melanchthon, il y a
lieu de Vattribuer à Calvin lui-même.
Calvini opera. Vol. V. 33