Tom. V - Archive ouverte UNIGE

637 ACTES DE RATISBONNE. 638
que ilz participent d'un pain et d'un calice, qu'est
ce, que peult faire une telle multiplication de Messes
en chascun anglet [fol. 151] d'un Temple pour les
premiers venans, et pour l'affection inconsidérée
d'un chascun: sinon que les hommes se fient plus
• en l'œuvre du prestre qu'en la grace de Christ: et
en amyellant leurs consciences en faulse et pernicieuse
consolation, soyent plus hardis à mal faire,
sans estre incitez à quelque penitence ou renouvellement
de vie en Christ.
Pareillement les monstres du Sacrement, et les
façons de le porter, soit qu'on le face pour honneur, ou
contre les adversitez, comme alencontre de la gresle,
ou du tonnoirre, contre le feu ou l'eaue, contre les
ennemys: comment se peult-il faire qu'elle ne conferine
et establisse une vaine fiance en l'œuvre
extérieure de regarder et honnorer le Sacrement?
Parquoy il fauldra abolir toutes ces nouvelles
inventions, et réduire la coustume ancienne, ou plustost
l'institution du Seigneur, c'est de célébrer le Sacrement
pour une saincte commemoration de la mort
du Seigneur: laquelle se faict en participant du pain
et du calice, et qu'il n'y ayt qu'une Cène pour un
peuple. Car les Anciens n'ont iamais entendu, que
ce Sacrement fut répété en un mesme iour, sinon
quand le Temple n'estoit point capable de recevoir
tout le peuple, pour la multitude: et ainsi que après
le mystère finy il entroit nouveau peuple,- lequel ne
devoit pas estre privé non plus de la communion.
Que on regarde touchant cela le mandement du
Pape Leon, qui est allégué aux decretz. l )
Il y a grande raison, qui doit esmouvoir les
Princes et Evesques de mettre toute peine qu'ilz
pourront à corriger ces grans abuz, qui sont survenuz
en ce Sacrement, et l'ont quasi corrumpu:
qui les doit aussi esmouvoir à en restituer le vray
usage. C'est que quiconque est en faulte, que ce
sainct Sacrement soit indignement traicté, il se constitue
coulpable du corps et du sang du Seigneur, et
oultre maladies et mort corporelle, il mérite les
peines lesquelles sont préparées à ceux qui foulent
aux piedz le Filz de Dieu, et polluent le sang de
son Testament, etc.
[fol. 152] Il y a aussi un abuz fort pernicieux
sur les enfans des chrestiens. Car comme ainsi
soit, qu'on ne les puisse instruire devant le baptesme:
quand ilz sont venuz en eage, les ministres
ne les instituent point on la Religion et ne requiert
on d'eux nulle profession publique de la foy, ne de
l'obéissance ecclesiasticque. Il fauldra donc pourveoir
que le catéchisme des enfans soit restitué, et que
les Evesques n'en conferment nulz, sinon ceulx qui
estans deuement enseignez se seront par eulx mes-
1) De consecr. dist. 2. ca. Necesse, prins de l'Epistre 79.
mes advoué de Christ, avec protestation de luy
obeyr, et aussi de rendre obéissance à l'Eglise, laquelle
doivent tous fidèles à icelle, selon la parolle
de Dieu.
Encores ne neglige on pas seulement l'instruction
des enfans, mais aussi de tout le peuple: l'admonition
de ceulx qui faillent est abolie: la correction
de ceulx dont la meschanceté est notoire, est
refroidie ou elle est nulle du tout. 11 n'est question
d'enioindre penitence solennelle, aux delinquaus : l'excommunication
est du tout anéantie, sinon qu'il y
en est demouré seulement quelque umbre et le til—
tre, et encores ce qui est demouré a esté tiré à
toute aultre fin, que pour corriger les vices du peuple,
non sans griefve contumelie du benefice de
Christ, qu'il a donné à son Eglise en ceste discipline:
car réservé, que le clergé s'ayde de ce baston,
pour se venger, si on luy faict quelque fâcherie: en
beaucoup de lieux il n'y a aultre usage de excommunication,
que pour contraindre les paovres gens
à payer, soubz umbre de contumace: en d'aultres
lieux, pour recouvrer les choses perdues, et enquérir
des choses occultes. De commencer par l'admonition,
qui est ordonnée en l'Evangile, il n'en est
nulle part question. Finalement l'absolution est
mise en vente, tellement que quiconques a argent,
iouyt d'icelle facilement.
Ainsi le clergé a converty tout l'usage des clefz,
partie à son appétit desordonné, partie à son avarice,
partie à establir son regne. Parquoy il fauldra
oster tous ces abuz et restituer l'ordre de l'Evangile,
à admonester, corriger, exclurre [fol. 153] de la
communion et de l'Eglise, tellement que ceulx qui
auront péché soyent reduietz à penitence, et que
par leur exemple les aultres conceoivent crainte, ou
bien que l'Eglise soit purgée de la souilleure des
mauvais.
Et pource que ce ministère des clefz se peult
facilement destourner à la ruyne de l'Eglise, à l'édification
de laquelle il est institué: il y fauldra
avoir un singulier esgard. Il sera donques besoing
d'y ordonner personnages, plusieurs en nombre, de
bonne gravité, et ayans bonne prudence spirituelle,
et qu'on les eslise de tous les estatz de l'Eglise,
tellement que ceste puissance ne soit point par devers
un seul, comme nous voyons qu'elle est auiourdhuy
commise aux officiaulx,, qui n'entendent
gueres aultre chose sinon de vacquer aux plaidoiries:
et d'aultrepart meinent telle vie, qu'ilz meriteroyent
bien d'estre excommuniez, s'il y avoit vraye
reigle d'excommunication. Sainct Cyprian exerceoit
ceste iurisdiction d'excommunier et recevoir à communion
les penitèns, non seulement par le conseil'
du clergé, mais de tout le peuple. Et sainct Paul
en nommant les gouvernementz, ne parle pas tanü •
seulement des Ministres, mais de ceulx qu'on esli-'