Tom. V - Archive ouverte UNIGE

659 ACTES DB RATISBONNE. 660
honneur et quasi aneanty: car il ne luy en est
quasi demeuré que le nom. Les graces lesquelles
nous devions recevoir de luy sont effacées de la
memoire des hommes: on ne sçait que c'est de
vraye foy ne de vraye penitence, où consiste toute
la somme de l'Evangile. Les paovres consciences
sont oppressées de constitutions perverses et tyranniques
et sont détenues comme en des géhennes
horribles par les liens qu'on leur a mis sus contre
la parolle de Dieu: il [fol. 177] n'y a nulle partie
de la Religion qui ne soit corrompue, par opinions
supersticieuses et mauvaises : l'usage des Sacremens
est renversé tout au rebours: -le Sacrement de la
saincte table de nostre Seigneur est du tout
prophané et deshonnoré, car au lieu de la communion,
qu'on devroit faire, on a dressé une manière
de sacrifice du tout contraire à la mort de IeBus
Christ. Les Messes sont en ventes à qui les veult
achepter et non seulement la marchandise est en
cest endroict, mais tout ce que nostre Seigneur a
institué pour le salut de son Eglise est mis en foire.
Les Pasteurs ne pensent pas que cela appartienne
à leur office d'endoctriner le peuple: ainsi toute lumière
de vérité est presque esteincte, qu'à grand
peine en est il demeuré quelques estincelles, et la
pluspart du monde est plongé en horribles ténèbres:
dont s'ensuyvent tant de scandales, qui tous
les iours adviennent. La discipline, tant du clergé
que du peuple, est abolie: brief tout est en merveilleuse
confusion. Pour commencer à remettre
l'Eglise au dessus, laquelle est si misérablement de 1 -
solée, il failloit venir à ceste racine, et non pas
chercher des petites feuilles comme faict monsieur
le Legat, qui s'amuse seulement à la cuysine, au
buffet, à la garderobe et à Testable des Evesques.
Voila comme la court Romaine se veult acquiter
de la reformation des Eglises. le dictz seulement
iusques à donner quelques bonnes parolles: car de
l'effect, il n'en est nouvelle: et qu'ainsi soit,.qu'on
regarde quel amendement il y a eu entre eulx depuis
vingt ans en ça qu'on ne cesse de crier contre
leur meschante vie.
Or pource que le Legat avoit taxé la doctrine
des protestans: les prescheurs et docteurs qui
estoyent là presens, furent d'advis de luy faire
quelque response, seulement pour luy remonstrer,
qu'il ne devoit pas vitupérer contre sa conscience,
ce qu'il ne pouvoit reprouver par raison, ne par
tesmoignage de la parolle de Dieu: laquelle response
fust composée par Philippe Melancthon: mais
présentée au nom de tous, comme il s'ensuit.
RESPONSE
A CE QUI A ESTÉ MIS EN AVANT PAR LE CARDINAL
CONTAREIN. »)
[fol. 178] Ayant entendu que le Cardinal Contarein
assisterait à ceste assemblée, nous avions
bon espoir qu'il employeroit son authorité, non seulement
pour constituer accord, ains pour illustrer
et esclarcir la vérité. Car ceste noblesse de cœur
et magnanimité est propre à un homme docte et
sage, qu'il permette, que ce qu'il approuve, soit mis
en avant, principalement en l'Eglise. Mais son iugement
touchant le Livre et noz articles, lequel nous
avons leu ces iours passez, ne respond point à nostre
attente.
Car par faulx preiudice nous sommes oultragez
de luy, veu qu'il voit bien que nous n'avons
aucune faulse opinion, et que nous ne tenons rien,
qui répugne aux sains iugemens des gens sçavans
et craignans Dieu, qui sont en l'Eglise de Christ:
mesme qu'aucuns articles de la doctrine Chrestienne
ont esté exposez en noz Eglises, et esclarciz bien
chrestiennement et à proffit. Et toutesfoys il a mis
en avant un iugement auquel il diet que nous desaccordons
du commun consentement de l'Eglise. Il
commande en l'aultre page que les Evesques veillent
et taschent à destruire la doctrine que nous
enseignons. Puis que telles choses ont esté proposées
publiquement, nous ne les pourrions laisser
passer, de paour qu'il ne semble que tacitement
nous approuvons son iugement. Parquoy nous prions
qu'on prenne en la bonne part ce que nous opposons
et mettons au devant de sa reprehension iniuste,
ceste responce vrayement et modestement
escripte.
Nous confessons bien que les nostres ont reprins
plusieurs abuz, lesquelz par cy devant ont
esté fort maintenuz en l'Eglise. Mais cestuy faict
tort à l'Eglise de Christ s'il appelle ces abuz le
consentement de l'Eglise catholique. Les traditions
humaines espandues en l'Eglise contre l'Evangile,
encor' qu'elles soyent [fol. 179] authorisées par grand
espace de temps, et par les exemples de grandz
personnages, et de la multitude: toutesfois elles ne
sont point le consentement de l'Eglise catholique,
qui consiste es escriptz des Prophètes et Apostres,
et en ce qu'on congnoist par bons tesmoignages
1) Voyez Bucer (Actes latins p. 143 et suiv., Actes allem,
f. 152a); Mélanchthon (Opp. Witt. IV. p. 757 et seqq:\ Bret-
Schneider (Corpus Bef. IV. p. 559 et seqq.). Le titre latin de
ce mémoire est: „Responsio ad Censuram Contareni Cardinalis
de Libro et articulis oppositis", et nous savons par Bucer
et Calvin que Mélanchthon en est l'auteur. H fut remis au
président du colloque, Frédéric, comte palatin, le 20 juillet.