You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
485 CONSILIUM PAULI m. 486<br />
bendi sunt? Sed diount, repudiate supremo imperatoris<br />
iudicio, quod protestantes molïuntur, maiestas<br />
imperatoria intercidat oportet. At respondent<br />
protestantes quod improbis absurdisque sententiis<br />
intercedunt, se, in eo non eversum camerae iudicium,<br />
sed iuris legumque observantia firmatum bonisque<br />
et aequis viris instauratum velle. Nam de [fol.<br />
24] religione subire iudicium apud eos iudices, qui<br />
verae religionis ex professo et acerrimi hostes sunt<br />
et violenti vexatores, nihilque quod in ipsis est ad<br />
tollendos e medio omnes qui veram religionem sectantur<br />
et ipsi faciunt reliqui et aliis faciendum imponunt,<br />
cuius vol inertiae vol socordiae esset? praesertim<br />
quum detrectare iure liceat.<br />
Et ipsi impune in omnium bona et vitam grassari<br />
possint.<br />
Graves sane et truculenti grassatores sunt protestantes<br />
qui civium loco eos tolerant, imo ampliorem<br />
quam ullis civibus libertatem vel licentiam potius<br />
iis apud se concedunt, quos certum est cum capitalibus<br />
suis bostibus conspirare. Et cum iis hostibus<br />
quos nemo ignorât quotidie exitium ipsorum<br />
moliri. Nec enim dissimulant cuius sint animi,<br />
quum ipsorum in religione consortes, ubi imperium<br />
habent, novis et inauditis tormentis excrucient et<br />
trucident. ,<br />
Nulla igitur spes firmae et diuturnae pads ex<br />
amicis tractationibus hàberi potest, nisi earn pacem velimus,<br />
quae et omnem dignitatem sedis apostolicae in<br />
primis opprimât et catholicam religionem conculcet ac<br />
omnem ecclesiae ordinem confundat ac destruat.<br />
Si dignitas sedis apostolicae est apöstolicam disciplinam<br />
praestare, si religio est quam Cbristus nobis<br />
tradidit, si ecclesiae ordo quem idem Dominus<br />
et spiritus sanctus per apostolus instituit, quis est<br />
qui dignitatem opprimât sedis apostolicae, qui catholicam<br />
religionem conculcet, qui omnem ecclesiae ordinem<br />
confundat et destruat, nisi pontifex ipse cum<br />
creaturis suis? Apud hos enim quid non ex diametro<br />
cum disciplina apostolica institutisque Christi<br />
pugnat? Protestantes ea quae Christus sancivit,<br />
quae per manus tradiderunt apostoli, quae martyres<br />
et sanctissimi patres observarunt restituta cupiunt.<br />
Nihil vero sublatum, nisi quod his adversatur. Quare<br />
nemo cum illis pacem facere detrectabit nisi qui Antichristi<br />
spiritu occupatus regnum Christi ferre non<br />
potest.<br />
Haec omnia reverendissimus dominus legatus non<br />
ignorât caesareae et regiae maiestatibus esse manifesta,<br />
ac multo plura in hanc sententiam, quae- hie cölligi<br />
irevitatis Studium non permittit.<br />
i<br />
[fol. 25] Ut falsissime haec in protestantes confinguntur,<br />
ita nemini manifesta, sed multis per calumnias<br />
persuasa esse possunt.<br />
Restât nunc tractandum qua via et ratione providendum<br />
sit pericülo turcico salvis rebus religionis.<br />
Pericülo turcico provideretur, si ab utrisque, catholicis<br />
scilicet et protestantibus, auxilium maiestatibus suis<br />
tribueretur, sed dubitatur, non posse id impetrari, nisi<br />
prius de religione inter eos convenerit.<br />
Et quid facerent status imperii, dum per romanam<br />
Aten et furias ab ea subornatas civiHs belli<br />
faces perpetuö iniiciantur?<br />
Igitur quum publica res religionis universali concilio,<br />
non autem in diaetis particularibus tractanda<br />
sit, quumque catholici semper optarint concilium, ut<br />
patet per ratisponensem recessum et per capitula ligae<br />
catholicae ....<br />
Ergo particularibus regnis nullam de Christi religione<br />
apud se restituenda curam suscipere fas est.<br />
Et pereundum omnibus est, Christi vocatione et salutari<br />
visitatione usque reiecta, dum pontificii quod<br />
ferre non possunt generale concilium, tum varus et<br />
subinde novis inter monarchas dissidiis accensis, tum<br />
excitatis bellicis tumultibus, tum innumeris aliis,<br />
quibus pollent artibus, extrahunt et eludunt! Quid<br />
vero magis antichristianum dici possit quam regna<br />
Christo consociata non debere tractare de religione<br />
Christi, non consultare, ut non diruptis perniciosis<br />
Antichristi vinculis iugo sese rursus Christi submittant<br />
commodo et salutari?<br />
Reproponit maiestatibus suis reverendissimus legatus<br />
ut velint Jwc concilium oecumenicum statim prosequi<br />
et celcbrari. Hoc enim modo satisfactis catJiolicis<br />
non poterunt auxilia denegare et res religionis remittantur<br />
concilio ut decet.<br />
[fol. 26] Quasi vero et Caesar et rex non semper<br />
toto pectore prosequi christianum concilium optaverint<br />
atque in id Studium fideliter incubuerint: quasi nesciatur,<br />
per pontificem solum et eius creaturas hactenus<br />
factum esse quo minus pii principes voti sui<br />
hac in re compotes fieri potuerint. Sed eo nequiore<br />
et desperatione et impudentia est impurus hie nepos,<br />
quod apud eos sic loquitur, qui rem totam optime<br />
omnium noverunt. Haec igitur una ratio est<br />
convocandi concilii, inducant pontifex et eius creaturae<br />
in animum, ut quam impie scelerateque exercent<br />
tyrannidem, et totum hoc abominationis regnum,<br />
cum omnibus flagitiis Antichristi tandem abiiciendum<br />
putent. Ita fiet ut a concilio christiano<br />
eversionem status sui nihil metuant. Tum in maiestate<br />
imperatoris et regis mora erit nulla quin con-<br />
31*
Change language