Journal of Italian Translation

100 Journal of Italian Translation
e’ dopmezdè, un pumidór se pèn,
pr’imbrènda, a n’e’ lèv gnénca, s’un pó ’d sèl,
e alòura déim, che tè ta i sté tachèda
ma la Giordana, mè ò sintéi dal ciacri,
ènca tè? ch’a so ’rvènza,
fóss stè la Dora, fóss stè la Marina,
che lòu dabón, l’è mèi stè zétt, va là,
un dè a la ò vésta piànz ma la Giordana:
“Ò do surèli che”, la s vargugnéva,
e adès e’ scapa fura,
che mè a n’aréiv a cràidi, gnénca tè?
amo, cumè, la è sémpra stè a e’ su pòst,
u n s’è putéu dí gnént, mai, la su mà
la s stiméva, t si mat, la su Giordana,
e tótt t’un bot, mo l’è quèll ch’a déggh mè,
u i è tènt ad chi pastrócc òz, cmè ch’u s fa
’rvanzè in cinta? e sa chéi? li la n dí gnént,
dis ch’ la n dí gnént, mo u i è chi ch’ déi, e’ pèr,
ta l’é sintí ’nca tè? sa Walter Lucchi,
ch’a n’e’ so, mè, ènca li, s’un òm spusèd,
ch’ la è inteligenta, inteligenta ad chè?
t’é e’ zarvèl, ta n’e’ dróv? e dis che l’Elsa
la sa zà tótt, Walter l’è du tri dè
ch’u n s vaid, l’è fura, ènca ’lè dès cundèla,
do famèi arvinédi,
mo tè stasàira ta t fé un’insalèda,
t’é tólt e’ squaquaròun? l’è la su mórta,
mo pu ta i pò magnè sa quèll ch’u t pèr,
i à un parfómm, sint che roba,
mè invíci a faz agli óvi sfritulèdi
si spinàz, l’è al si, a i vagh a mètt sò ’dès,
mo grezia ad chè, par du tri pumidór?
u i n’è ch’a n’i stémm dri,
a s’avdémm, e saléutmi la Mariula,
una surèla acsè la m vrébb mu mè,
la à al mèno d’ór, e st’èlta vólta, arcórdti,
quant t pas da què, u i è féigh, vè quant u n n’à,
fra dis quéngg dè i è fat,
cumè, l’è prèst, l’è al sèt e mèz sunèdi,
quant t vu magnè? zò, sbréigti, ch’al s’agiàza,
agli è s-ciavéidi? e mètti e’ s‘el, ma tè
u t pis salèd, ch’u n va mégga tènt bén,
a n so sno mè ch’a l déggh, u l dí i dutéur,