Journal of Italian Translation

70 Journal of Italian Translation
che mè a pràigh e che léu u m sta da sintéi.
Aqua
Mè, l’è stè chi burdéll, va tè, va tè,
par réid, e a so ‘ndè sò, a sérmi si sèt,
léu u s’à dè dal scaràni, e a vdail alè
da davséin, l’era znin, s’na sèrga léisa,
mo 1'éva la tarèntla,
e s’una parlantéina, in zéinch minéut
u m’éva zà invurnéi, ‘na machinètta,
mè a stéva a testa basa,
dò ch’a so capitè? 1'à tach da Mirko:
«Quante farfalle! ecco il retino, prendile!»,
e Mirko, séri, s’ ché ridéin, córr, sèlta,
cm’u i fóss dal pavaiòti, pu u s’è férum,
e’ puntéva cmè un brach, la zénta: «Dài,
ch’ la è ‘1è», léu, tac, ‘na bota, e cl’èlt: «L’hai presa»,
u i à batéu s’na spala, «Complimenti!»,
l’è ‘ndè da Dato e da Carlin ‘d Faiòun,
u s’i è pustè davènti: «Brrr! che gelo!»,
lòu i à tach a bublé, i batéva i pi,
i s sufiéva tal dàidi, «E questa neve!
una tormenta!», i s’è tiràt sò e’ bèvar,
tutt du d’impí, i à vèrt 1’umbrèla, Dato
u la puntéva basa còuntra e’ vént,
Carlín di dri, gubéun, se brètt calchèd
fina agli urècci, e mè disdài alè,
brazi incrusèdi, mo cs’èll ch’ l’è sta roba?
mè a so vnéu concredend ch’e’ foss di zugh
d’abellità, si fazulétt, sal chèrti,
ch’i t taia la gravata, robi acsè,
da divertéis, ch’i s chèva la bumbètta
e e’ vòula véa ‘n pizòun, mo fè e’ zimbèl,
no, no, a n’i stagh, ò un esercéizi, mè,
‘na clientela, ò una riputaziòun,
e’ zcòrr s’un èlt: «Ti piace
la Guzzi California?», a n’e’ cnòss quèll,
«Eccola qui, è la tua, la vuoi provare ?»,
e st’ pataca e’ partéss, brrrum! brrrrum!
a caval d’na scaràna,
mè a n’e’ so, mo i n s n’incórz ? i n sint la zénta ?
che Dato 1'è impieghèd ma la Pruvéinza,
e Carlín, ènca léu, l’à mòi e fiùl,