Journal of Italian Translation

76 Journal of Italian Translation
qualcadéun, zò, ch’e’ vaga a visé al guèrdi,
s’ ta n la stagn, e fè prèst, quèsta la córr,
la è zà mòunta sòura mi cavéi,
u s’i vaid dréinta i 1ómm, a m vèggh par mè,
mo e ch’ilt duv’èi? i mi cumpàgn, e léu,
i n gn’è piò, dò ch’i è pas? e sté malàn
alè ‘vènti, e’ casca tótt, no, l’à zdéu
e’ cvérc dla béusa de sugeridòur,
l’aqua, u s’i è vért un pas,
la va zò, sint ad sòtta cmè ch’ la arbòmba,
aquasò adès u s sgòmbra, alè te méur
u s’avdirà la réiga de bagnèd,
o no? 1'è prèst ancòura, u i n’era un znòc,
però la chin calè, quèll ch’ va mai zò,
se no basta tní d’òc un sègn, un scòurgh,
quèll alè, ch’a l’ò vést ad préima sàira,
u m pareva una foia se gambòz,
dò ch’ l’è? l’era alè dès, a n’e’ vèggh piò,
ció, mo invíci ‘d calé, spétta, cs’èll ch’ l’è
cla roba ch’ vén avènti? una pagnòta,
tótt’ imbumbèda, gòunfia, la fa séns,
e sla pivira aquè u i è la piscòlla,
agli èlt scaràni al s móv,
al va d’in quà e d’in là, al sbat tra ‘d 1òu,
e alazò in fònd cs’èll stè?
un scatramàz ad véidar rótt, un sciòun,
aquè u n s pò spitè piò, sno che dú s val?
basta, quèll ch’ vén e’ vén,
che tavuléin, ò slòngh ‘na gamba, dài,
s’a i putéss arivé, se pi ò tòcch l’òural
de mèrum, a so stè pr’un pó a cavàl
tra la scaràna e e’ tavuléin, s’a sguéll
a m sbrènch, ò fat la blènza, a m so dè e’ slènz,
ò dvanè un pó sal brazi, a m so indrizé,
aglia ò fata, ‘ta bón, e un batimèní,
ch’a m so ènca spavantè, a n mu n l’aspitéva,
mo sta festa ma chéi?
mu mè? pu a i ò vést, tótt,
la zénta mai ch’u i era, i dént a d’ór,
no, i réid, ta n sint? l’era una sbacarèda,
i s batéva sal còsci, i s déva ad gòmat,
i s pighéva, u s’i avdéva tremè al spali,
i s’asughéva al lègrimi se braz,
mo pu di sgréss, di céul, al dòni al stéva
testa d’indrí, u i ridéva ènca al culèni,