Journal of Italian Translation

88 Journal of Italian Translation
sótt cmè una néusa,
sla pòrbia ch’ la fa i rózzal sòtta e’ lèt,
sal cartuléini a rézz
mi véidar dla cardenza, e pu ènca ’lè
sichéur che 1’aqua la n’arivarà?
a n’e’ so, l’è tótt’ dmandi, chi ch’ pò ‘rspònd?
mo u i n’è óna, mè quèlla, s’a incuntréss,
no léu, ch’u n cmanda gnént, tótt’ la su ciacra,
1'è una pedéina, no, quéi ch’i i è sòura,
quéi ch’i cmanda dabón, putèi fè un zcòurs,
do paróli: parchè própia mu mè?
che quant a i péns,
quèst’ 1'è una roba gròsa, tropa gròsa,
mè què, sgònd mè, a so vnù ciapèd par chès,
l’è un quiproquò,
che s’a i déggh e’ mi nóm, a so sichéur,
i starà alè a guardèm: e tu chi sei?
1'è quèll ch’a v vléva déi, chi ch’a so mè?
a n so gnént, mè, zò, a còunt cmè e’ do ‘d bastòun,
ch’a patéss ènch’ d’otite, pu a i vèggh póch,
e sa sti ucèl, ch’i mè casch, ò una lénta
tótta cripèda, quèll ch’a gí vuílt
l’è un èlt, chi sa, magari u m s’asarméa,
mo a n so mè, e adès farmé,
ch’ò una vòia ‘d butém stuglèd ma tèra,
e stè ‘lè quant u m pèr, a n dmand ‘na masa,
e dop, s’u s pò, qualche scaléin d’inzò,
vérs chèsa, che ènca ‘lè mè u m basta póch,
la partéida ma la televisiòun,
‘na gita d’ogni tènt, a vrébb avdài
al Dolomiti, ch’a n’i so mai stè,
dal nòti andè a luméghi, s’ l’à piuvéu,
ch’a m pis, e quèst e quèll, e avènti a zcòrr,
da par mè, e u n suzéd gnént,
ch’i n’apa da capéi, i m’avdirà pò,
o ch’i n guèrda, dò ch’i è? ma chéi ch’a 1 déggh
che mè què, quèst l’è un sbai, a n gn’éintar gnént!
Ciacri
O insugné mèl stanòta, dal gran béssi,
mo cmè tótt fé e’ cafè? vè ach pisarèla,
l’è tótt’ al vólti acsè, ma tè u t vó óna
ch’ la t vénga dri dò t pas, mo èl dóbbi, zò,
ta n’apa da imparè, ch’ t si bèla vèc,