Journal of Italian Translation

66 Journal of Italian Translation
che te bsdèl ò vést Nandi, a n l’ò ‘rcnunséu,
l’andéva zò a fè i raggi, émm zcòurs, e pu
te salutém u m’à tnú strètt’ la mèna,
senza guardèm: «Però a zinquèntun’an
l’è un pó prèst», e l’è ‘ndè véa sl’infermír,
che mè a n gn’ò savú ‘rspònd, e dop la nòta,
cal paróli, a i ò péns,
parchè léu, sè, afarésta, mo i baócch
i i pis ma tótt, andémma, pu i aféri
s’ ta n’i fé tè u i fa un èlt.
ch’ l’éva còmpar da Cecchi si méis fa,
e adès ènca l’Armanda, da par li,
‘na dona, ch’a zcurémmi l’altredè
ad Palín Campidèli, léu strétt,
e pu alazò a l’inféran, alè invíci,
mo adès u n’è e’ mumént, sa che burdèl,
ch’u s stiméva, fighéurt, pu, va a capéi,
l’è ch’i à trop, u n’è gnénca còulpa sóvva,
la su mà, léu bastéva ch’e’ dmandéss,
e tla su testa, o l’è stè qualch’ cumpàgn,
un an? i è bèla déu,
e u n scréiv, gnént, u n s sa gnént, è come morto,
ch’a 1 cnòss bén, mè, Palín, quant ò vú bsògn,
l’à sémpra lavurè, u n’a mai freghè
niseun, e parchè ‘lòura castighél
at sté modi? a n’e’ so, mo ènca irisàira,
cla burdèla, ch’a séra pas d’alè
zéinch minéut préima, i la è ‘ndèda a tó sò
se marciapí, dis an, morta se còulp,
che mèl pòla avài fat? a l so, l’è dmandi,
mo mè vdai zérti robi,
che è peccato, lo so, mo se c’è un Dio,
però ènch s’u n gn’è, al mi mèssi, al cumagnòun,
mo no sno mè, tótt quéi ch’i va tla cisa,
tótt’ cal candàili zàisi,
tótt’ al cisi, quant u i n’è mai te mònd,
bèli, grandi, par gnént? che mè a San Pitar,
m’arcórd, u m’è vnú la chèrna pléina,
no, una fede ci vuole,
cs’èll ch’a sémm, di animèli? a sémm di brécch?
émm e’ zarvèl, druvémmal,
ci sarà una ragione, un fundamént,
che adès a n gn’arivémm, mo però un giorno
u s capirà iniquèl,