Journal of Italian Translation

68 Journal of Italian Translation
u i à da ès un vérs, parchè se no,
s’l’è tótt cumpàgn,
se aquè sté mònd l’è sno una loteréa,
che s’e’ vén e’ tu nómar ta n sé gnénca
se t’é véint, se t’é pérs...
l’è zchéurs, mè, quést,
che la testa, a m’imbròi, dop, a n gn’aréss,
però a i faz d’ogni tènt, bsògna fèi, òz
la zénta invíci i n vó pensè ma gnént,
sno divertéis,
e i t tó ènca in zéir, una ragaza in treno,
an, si su améigh, mè a géva: a s sémm ardótt,
tótt i fa quèll ch’u i pèr, e dop e’ mònd
u n pò andè bén, e adlà e’ sarà ènca pézz,
e li: «Di là?», i ridéva tótt, cs’òi détt?
«Non ci stanno più dietro, siamo troppi»,
e mè alè a i vléva arspònd, pu a so stè zétt,
dop a so smòunt, sti zóvan, a n’e’ so,
i ragiòuna t’un módi,
però dal vólti, a Rémin, par la strèda,
ch’a m’aférm un mumént, i è tint, dabón,
dò ch’i va? boh, csa fai?
e d’instèda, a maréina, in piazza Tripoli,
ch’i zcòrr at tótt’ al lèngui, csa girài?
pu i pensír, che dal vólti
a stagh alè a guardèi par dal mèz’ òuri,
e la nòta a m’insógni tótt’ furméighi,
e’ sulèr bróst, ènca i scaléin, i è nir,
u i n’è ch’al vòula, a i caméin sòura, al scrécca,
u m s fa i patéun, e a déggh: mè què par 1òu
a so e’ Signòur, dò ch’a pas l’è la guèra,
a pòs fè tótt, fiumèna, taremòt,
sémpra tl’insógni, e u m ciapa una paéura,
a m svégg ad bot, a vagh ma la finestra,
i lómm ch’u i è, la zénta, sl’autostrèda
i n s férma mai, e mè aquè spèsa i véidar,
a pi néud, sal mudàndi,
e a pràigh, ò tróv un sènt te calendèri,
ch’a n faz e’ nóm, mo a n l’ò mai sintí déi,
quèll che ‘lè, a so sichéur, a 1 cnòss sno mè,
la Jolanda la sbròuntla: «Mo l’è al quatar,
csa fét?», e a n’i dmand gnént,
a n vi nisuna grèzia, tanimódi
quèll ch’e’ pò fè léu u 1 fa, mo u n m’arimpórta,
ènca s’u n pò fè gnént, mè a so ch’ l’è ‘lè,