Journal of Italian Translation

82 Journal of Italian Translation
a tnéva e’ fiè, mo quèll l’è don Gaitèn,
d’indrí s’un scaranòun, a bòcca vérta,
senza dantira, e’ surnicéva, avènti
in pèunta ‘d pi, ‘na schèla,
e’ cambaròun da stènd i pan, lanzúl,
fudrètti, sugamèn, caméisi, tvai,
aquè ’un u s pérd, mo alazò u n’è una schèla?
a luméga, sò, pièn,
da no sguilé, cs’èll ch’ l'è st’udòur? cm’e’ fóss
acid fènich, tintéura, e tótt chi létt,
in féila, biènch, dò ch’a so vnéu? te bsdèl?
e sté sgadézz ma tèra, pr’asughé?
sè, t’é vòia, a n’avdéi
ch’u i n’è zà piò ‘d do dàida? «Ssst! sté zétt! »,
«Mo se sgadézz u n s’i fa gnént», «Sté zétt,
ch’u s’è supéi, andé dò ch’i d’andè»,
«Dém rèta, quèst 1'è un pòst ch’ l’è mèi no stèi»,
«Mo s’un’ergna struzèda», «Mè a v 1'ò détt,
fé vuílt», e alè, ch’a vègga,
csa i èll dlà ‘d cla vedrèda? a m’e’ sintéva,
un’èlta schèla, un rèm, du rèm, ‘na pórta,
la è sno custèda, u n gn’è niseun? ò vést
e’ 1ómm sòtta una bóssla, ò busé, «Avènti,
vní ‘vènti, a v faz ‘na stàisa?»,
la déva dréinta m’un maz ‘d chèrti, «A n pòs»,
«Zincmella frènch», «U n’è pr’i bócch, ò préssia»,
«Duv’iv d’andè?», «D’in èlt, dò ch’ 1'è una schèla?»,
«Drétt me vòst nès, arví cla pórta», «Adio,
mo vò, ènca vò, nu sté spitè, scapé,
u i è zà un pacéugh aquè», «Eh, a 1 so purtròp,
1'è una chèsa, mè, quèsta, quant e’ pióv
a chin mètt dimpartótt dal caldarètti»,
e la zénta i capéss sémpra a 1’arvérsa,
‘s’ut caldarètti, mo ta n la sint sòtta,
aquè sòtta, ta n sint cmè un animèli
ch’e’ lènsa? gnént, va 1à, ‘s’ut zcòrr, piotòst
adès aquè, quèst 1'è 1'éultum pianètt,
e sté purtòun 1'è srèd, però adlà i zcòrr,
l’è scap un camarir, a m so infilé,
i éva fini ‘d magnè, mo una tavlèda,
i bacaiéva, un fómm, i n m’à gnénch vést,
ò imbòcch un curidéur,
sta pórta u i è la cèva dréinta, vdémma,
a i ò inzècch ènch’ stavolta, un souraschèla,
e alasò u i è un batóss, a m’i so ciap,