Journal of Italian Translation

84 Journal of Italian Translation
pi còuntra e’ méur, a m so tiràt sò ‘d pais,
e aquè? l’era cmè caminé t’na nóvla,
tótta lèna scàrmiéda; l’è la chèsa
dla Pia di mataràz, e alè che rézz
l’è una ringhira, ò un òc ormai, ad sòura
1'è tótta créina, zétt, chi ch’ s’alaménta?
«A stè mèl ?», mo i è in déu, «Csa vut ?», «L’è Nando ?»,
«No, ‘i da scusé, a paséva da què»,
«Tót de caz!», li la s’era cvért’ la faza
sal mèni, e adès dù s val?
‘ta bón, adlà ‘d cla ràida, l’è una pórta,
s’un carnàz tótt ruznéid, quèst l’è una bés-cia,
dài pò, sò e zò, sò e zò, acsè, da smóval,
u i vó, mo e’ vén, sémpra sò e zò e tirè,
ècco, l’è vnéu, andémma, dài, ‘zidénti!
ò inzampighé, che un èlt pó a casch, l’è un schéur,
e a n tróv e’ scròch dla luce, ècco, l’è què,
mo quèst ‘l’è tóff, e tachèda sò ‘lè
una pèla ad cunéi sla paia dréinta,
una canèla ad gòmma m’un ciód, bòci,
fiasch, lègna, telaràgn, l’è una cantéina,
o ch’a zavèri? no, l’è bòtti, quèlli,
ch’a m so s-cènt bèla al gambi,
schèli e schèli, ò s-ciupè par avní réss,
che s’ la s’inféila aquè
l’è la mórta de sòrgh, mo cmè ch’ò fat?
csèll ch’u m suzéd?
porca boia, u n m’avrà mégga indurmént
ènca mu mè? no, mo va là, che préima
ò batú ‘na zuchéda, sint che gnòch,
èlt che indurmént, spétta, no, ècco, a i so,
gnént, a véngh da la basa,
ènca al chèsi, i palàz, l’è di scaléin,
ch’u i aréiva un burdèl,
mo quant u s’à e’ nervòus,
ch’u n s ragiòuna, ‘ta bon,
a so pas un spaghètt, e sò mal schèli
dop a ridéva da par mè, mè déggh
ch’a sarò pò un pataca, mo adès basta,
basta, la è pasa, a so quasò d’in èlt,
quant u s pò guardè ad sòtta, lasa pò,
ènca s’u i è póch d’avdài, mo u s téira e’ fiè,
sno che la n déura, sint, l’aria la è griva,
i calzéun i s’ataca,
e’ casca d’ogni tènt un calzinàz,