Journal of Italian Translation

98 Journal of Italian Translation
léu quant l’è cl’òura e’ zénd,
e’ pò vní e’ taremòt, mo léu e’ zénd,
ch’a te butarébb vèa da la finestra,
mè, che telecomando,
par stè sintéi, ch’ l’è tótti ciacri, zò,
i n chèva un ragn da un béus, sémpra al stèss’ robi,
e u n a pò dí gnént, bsògna stè zétt, cumè,
l’à da zcòrr chi pataca, lasa andè,
va là, t fé un schiv sa cla televisiòun,
sémpra tachèd alè, mo va un pó in piaza,
va te cafè, va a fè una pasegèda,
a n stagh mai zétta?
l’è lòu ch’i n sta mai zétt, basta, va là,
guèrda quèll t vu, mè a vagh adlà a stiré,
sè, cs’èll ch’a stéir, aquè, vèrda che roba,
ch’i era nóv, sti calzétt, mo cmè ch’us fa?
di béus ch’u i pasa un braz, aquè t’é vòia,
quést i è da buté véa, sémpra acsè, léu,
se una roba la i pis u n la smètt piò,
ènca sta sèrga, vè, ’s’ut rinacè,
quèsta la è ’ndèda, i gómat, èlt che sléis,
u s vaid la fódra, u s’inamoura, léu,
t’na sèrga, sémpra quèlla, sémpra quèlla,
l’ardéus un straz, e dop, t si mat, la zénta,
vè cmè ch’ la l manda, u m fa fè dal fighéuri,
ch’ènca la zénta, s’i badéss par lòu,
no, quèsta, via, a glia bótt tla mundèzza,
u s mitrà quèlla ’d vléut, ch’e’ sta ènca mèi,
mo u n n’à tènti, l’à piò vistí ch’ nè mè,
e avènti pò, vè che muntagna ad roba,
che stiré a n’ò mai vú ’na gran pasiòun,
u m pis piò i férr, mè, lavurè si férr,
a i ò fat un maiòun, an, ch’u s stiméva,
un péunt ad vàird,
e adès fura a daquè,
che s’a n’i stagh dri mè mal robi, léu,
Emma, t guèrd e’ mi órt? u t pis? vén dréinta,
fa e’ zéir, a t véngh arvéi, ta t pórt a chèsa
tri quatar pumidór, che in insalèda,
s’ ta i fé stasàira, ta m giré,
a i mitémm
at sté sachètt, no, ch’i n’è trópp, ta n vaid
quant u i n’è? chi è ch’i i magna?
e a n gn’ò mégga dè gnént, mè u i è dal vólti,