Journal of Italian Translation

92 Journal of Italian Translation
ta n li pò ’ndè dí in piaza,
ch’u n’era gnénca scap da chèsa, sè,
u l’à fat pr’e’ burdèl, mo però intent
a sté insén, e tè ’lòura sta un pó bóna,
cm’òi da déi? nu l ziménta,
se t rógg l’è pézz, dop u la ciapa ad péunta,
mo la Franca zért robi la n gn’aréiva,
no, t’é rasòun, l’è zchéurs, quést, l’è fadeiga,
bsògna pruvè, da ’d fura a sémm brèv tótt,
mo quant t si ’lè, che t vaid e’ tu maréid,
mè a so rivàta, a s’avdémm, Caterina,
ta la é frèsca, Nazario, la sunzézza?
tri budéll, no, fa quatar,
e un pó ’d grasúl, che ma Pèval i i pis,
ir ta m’é dè una chèrna ch’ la n s magnéva,
ò capéi da fè e’ bród, mo l’era stòppa,
ch’ ta l sé ’nca tè, zò, nu fa la cumédia,
csa i éintral e’ castrè?
e’ castrè l’era bón, a t’ò détt gnént?
mo la chèrna, Pèval u s’è incaplè,
u la vó tèndra léu, cm’a t l’òi da déi?
cumè, viziéd, ta m tó ’nca in zéir?
e tè?
Bina, mo dò t si stè ch’ l’è un témp ch’a n t vèggh,
ah, t’é viazè? duvò? pu bén, che mè,
quèll che là u n s móv e gnénca,
che invíci u m pisarébb, mè, d’ogni tènt,
andè in zéir, vdai dal robi, mo léu sè,
e adès du vét? mè invíci ò da pasè
da l’Elda a tó i spinàz,
u i è ’nca al rósli?
mèz chéll, ch’agli è ’nca tropi, ècco, acsè, basta,
dò ch’ ta l’é mèss ma Nino? l’è te lèt?
sla févra? un’influenza? amo la è fura,
la è te lèt ènch’ la Flavia, la à un mamòun,
li pu la fómma ènca, ch’ a i e’ déggh sémpra, mè, u t fa mèl fumé,
l’è un vlén, sè, mo va a zcòrr sa li, che or’èll?
l’è al dis, dabón? ch’a n n’ò mélla da fè,
Elda, a s’vdémm,
oh, la Dolores, spétta,
Dolores, ò una roba da dmandèt,
t’é préssia? l’è un minéut,
tè ta l’é cnunsú bén Misirúl, no?
che irisàira émm ragnè, se mi maréid,