Nuwe Verbond.indd - Aramaic Peshitta Bible Repository

Markos
11 1 Toe hulle naby Yerushalayim kom, by Beit-Pagei en Beit-Anyah, langs die
Olyfberg, stuur Hy twee van Sy studentevolgelinge
2 en sê vir hulle: “Gaan na die dorp reg oorkant ons en dadelik as julle inkom, sal julle
‘n vul, waar geen mens op gesit het nie, vind wat vasgemaak is. Maak hom los en
bring hom
3 en as iemand vir julle vra: ‘Waarom doen julle dit?’ moet julle antwoord: ‘Hy is
nodig vir ons Meester;’ en dadelik sal hy hom hierheen stuur.”
4 Hulle het gegaan en die vul vasgemaak gekry aan die hek, buitekant in die straat en
hom losgemaak.
5 Van die mense wat daar staan sê vir hulle: “Wat doen julle om die vul los te maak?”
6 Hulle antwoord hul net soos Yeshua beveel het en hulle het hulle toegelaat.
7 Hulle het die vul na Yeshua gebring en hulle klere daarop gegooi en Yeshua het op
hom gery,
8 maar baie het hulle klere op die pad uitgesprei en ander het takke afgekap van die
bome af en op die pad uitgesprei.
9 Die wat voor geloop en die wat gevolg het, het uitgeskree en gesê:
“Red ons nou, Seun van Dawid! Geseënd is Hy wat kom in die Outoriteit en Karakter
van .
10 Geseënd is die Koninkryk wat kom van ons vader Dawid. Red ons nou, Ps 118:25-26 U,
in die hoogste!”
11 Yeshua het Yerushalayim binnegegaan en in die tempel gekom en Hy het na alles
gekyk. Toe dit aand was, het Hy saam met die twaalf uitgegaan na Beit-Anyah.
12 Die volgende dag, toe hulle uit Beit-Anyah uitgaan, was Hy honger
13 en Hy sien van ver af ‘n vyeboom met blare aan en Hy het daarheen gegaan in
die verwagting om iets daaraan te kry om te eet en toe Hy by dit kom, kry Hy niks
behalwe blare nie, want dit was nie die seisoen van vye nie.
14 Hy sê vir dit: “Van nou af tot in ewigheid sal niemand van jou ‘n vrug eet nie!” Sy
studentevolgelinge het dit gehoor en hulle het in Yerushalayim gekom.
15 Yeshua het in die tempel ingegaan en Hy het begin om die wat in die tempel
verkoop en koop uit te jaag en die tafels van die geldwisselaars en die stoele van die
duiweverkopers om te gooi.
16 Hy het niemand toegelaat om enige handelsvoorwerp in die tempel te dra nie
17 en Hy het geleer en vir hulle gesê: “Is daar nie geskrywe: ‘My huis moet ‘n huis
van gebed genoem word vir al die nasies nie,’ Yes 56:7 maar julle het dit ‘n grot vir
Yir 7:11
plunderaars gemaak.”
18 Die leraars van die wet en die hoofpriesters het dit gehoor en gesoek hoe hulle
Hom kon vernietig, want hulle was bang vir Hom, omdat al die mense verstom was
oor Sy leringe.
19 Toe dit aand word, het hulle uitgegaan, buitekant die stad
20 en in die oggend toe hulle verbygaan, sien hulle die vyeboom: verdroog van die
wortels af
21 en Shim’on het onthou en vir Hom gesê: “Leermeester, let op, die vyeboom wat U
vervloek het, is verdroog.”
74