Nuwe Verbond.indd - Aramaic Peshitta Bible Repository

19 Dink julle weer dat ons onsself by julle verdedig? Ons praat in die teenwoordigheid
van God, in eenheid met Die Gesalfde Een en dit alles, tot julle waarvoor ons lief
is, se opbouing,
20 want ek vrees dat ek julle by my koms miskien nie sal kry soos ek wens nie; en
dat ek deur julle gevind sal word soos julle nie wens nie; dat daar stryery, jaloesie,
woede, verdeeldheid, kwaadpratery, skinder, ontevredenheid, verwaand-heid en
onstabiliteit sal wees;
21 dat my God my nie weer by julle sal verneder en ek sal treur oor baie van die
wat vroeër gesondig het en nie erken, berou en weggedraai het van die onreinheid,
seksuele oortredings en ongebondenheid wat hulle gedoen het, nie.
13 1 Hierdie is die derde keer dat ek na julle toe kom. In die mond van twee of drie
getuies sal alles vasstaan wat gesê word.
Deut 19:15
2 Korinthiërs
2 Ek het dit vroeër gesê en ek sê dit voor die tyd, soos toe ek die tweede keer daar
teenwoordig was, en ek skryf dit nou in my afwesigheid aan die wat vroeër gesondig
het en aan al die ander, dat as ek weer kom, ek nie sal spaar nie,
3 aangesien julle ‘n bewys soek dat Die Gesalfde Een in my praat. Hy is nie swak
teenoor julle nie, maar magtig onder julle,
4 want al is Hy gekruisig in swakheid, lewe Hy deur die krag van God, want ons is
ook swak in eenheid met Hom, maar ons leef saam met Hom, vir julle, deur die
wonderwerkende krag van God.
5 Ondersoek julleself of julle in vertroue staan. Toets julleself. Of is julle nie bewus
dat Yeshua, Die Gesalfde Een, in julle is nie? Indien nie, is julle waardeloos!
6 Ek verwag egter dat julle sal sien dat ons nie waardeloos is nie.
7 Ek bid tot God dat daar geen boosheid in julle mag wees nie, soos die bewyse
mag lyk nie, maar dat julle kan doen wat goed is, maar ons soos verwerplikes kan
wees,
8 want ons kan niks teen die waarheid doen nie, maar ter wille van die waarheid,
9 want ons is bly as ons swak is en julle sterk en hieroor bid ons ook, dat julle volmaak
word.
10 As gevolg hiervan skryf ek hierdie dinge in my afwesigheid sodat ek nie, as ek
teenwoordig is, ernstig hoef op te tree, volgens die outoriteit wat my Meester my
gegee het, om julle op te bou en nie af te breek nie.
11 Van nou af, broers, wees bly, word volmaak gemaak, word opgebou, wees een
van denke, leef in vrede en die God van liefde, vrede, gesondheid, voorspoed en
vergenoegdheid sal by julle wees.
12 Groet mekaar met ‘n afgesonderde soen.
13 Al die afgesonderdes groet julle.
14 Die vrede, gesondheid, voorspoed en vergenoegdheid van ons Meester, Yeshua,
Die Gesalfde Een en die liefde van God en die gemeenskap van die Gees van
Afsondering bly by julle almal! Dit is waar!
289